गायन र गीत रचना मेरो अन्तरमनको रुची होः गिरी

मनोरञ्जन

गृहपृष्ठ
मनोरञ्जन
गायन र गीत रचना मेरो अन्तरमनको रुची होः गिरी

गायन र गीत रचना मेरो अन्तरमनको रुची होः गिरी

मंगलबार, चैत १७, २०७७ बागेश्वरी पोस्ट

नेपालगञ्ज । गायन र गीत रचनामा नवप्रवेशीका रुपमा रहनुभएका रविन स्वप्नील गिरीको 'हे सुवा' बोलको गीत बजारमा आएको छ ।

गिरीको शब्द रहेको सुदुरपश्चिमेली देउडा भाकाको गीतमा दिपक विश्वकर्माको स्वर र संगीत छ । गीतमा चर्चित गायक एवम् मोडेल चक्र बम र मिना शाहीले मोडलिङ गर्नुभएको छ । गिरीको शब्द रहेका तीन वटा गीत यसअघि बजारमा आइसकेका छन् । आफ्नै स्वर रहेको दुई वटा गीत पनि गिरीले स्रोता दर्शक माझ पस्किसक्नुभएको छ ।

पेशाले बाँके खजुरास्थित कृषि अनुसन्धान निर्देशनालयमा प्राविधिक अधिकृतका रुपमा कार्यरत गिरी गीत रचना र गायनमा रुची राख्नुहुन्छ । 'सानैदेखिको साहित्य सिर्जना र गायनको अभिरुचीलाई बेला बेलामा प्रस्फुटन गर्दै स्रोता दर्शक माझ आइरहेको छु, सबैले माया गरिदिनुभएको छ, आफ्नो सिर्जनाको पाटोलाई फुर्सदको समयमा मलजल गर्ने कोशिस गर्दै आएको छु,' गायक एवम् गीतकार गिरीले भन्नुभयो-'गायन र गीत रचना मेरो अन्तरमनको रुची हो ।'