नेपालगन्ज १२ द्वारा पहिलो चरणमा २६० परिवारलाई राहत वितरण

समाचार

गृहपृष्ठ
समाचार
नेपालगन्ज १२ द्वारा पहिलो चरणमा २६० परिवारलाई राहत वितरण

नेपालगन्ज १२ द्वारा पहिलो चरणमा २६० परिवारलाई राहत वितरण

शुक्रबार, चैत २८, २०७६ सुनिल रेग्मी

नेपालगन्ज ।नेपालगन्ज उपमहानगरपालिका वडा नम्बर १२ मा २ सय ६० घरपरिवारलाई पहिलो चरणको राहत वितरण गरिएको छ ।

सामाजिक दुरी कायम गरि पहिलो चरणको राहत वितरण कार्यक्रममा वडा कार्यालयले कुपन सिस्टम लागु गरि राहत वितरण गरेको हो । वडावासीबाट लगत संकलन गरि लकडाउनका कारण अति प्रभावित अति बिपन्न, ज्याला मजदुरी गरि खाने, असहायहरुलाई छनोट गरि कुपनको आधारमा राहत वितरण गरिएको वडा नं. १२ का वडा सदस्य तरुण बज्राचार्यले जानकारी दिनुभयो ।

पहिलो दिन विहिबार बेलासपुरबासीलाई राहत दिइएको र शुक्रबार कोरियनपुरबासीलाइ राहत वितरण गरिने छ । एक घरपरिवारलाई २५ किलो चामल, २ किलो दाल, १ लिटर तेल,१ किलो नुन, वितरण गरिएको हो ।

पहिलो चरणमा छुटेका नागरिकलाई दोश्रो चरणमा लगत संकलन गरि अति विपन्न परिवारलाई पुन राहत वितरण गरिने वडा अध्यक्ष बुद्धिसागर सुवेदीले जानकारी दिनु भयो ।

प्रकाशित मिति: शुक्रबार, चैत २८, २०७६ ०१:४२

प्रतिक्रिया दिनुहोस्