बाँकेमा थप दुई जना कोरोना संक्रमितको मृत्यु

देश

Home
देश
बाँकेमा थप दुई जना कोरोना संक्रमितको मृत्यु

बाँकेमा थप दुई जना कोरोना संक्रमितको मृत्यु

मंगलबार, आश्विन १३, २०७७ बागेश्वरी पोस्ट

सांंकेतिक तस्बिर

नेपालगन्ज । बाँकेमा थप दुई जना कोरोना संक्रमित पुरुषको मृत्यु भएको छ । नेपालगञ्ज मेडिकल कलेज कोहलपुरमा कोहलपुर १० का ५३ बर्षीय पुरुष र नेपालगञ्ज ७ का ३९ बर्षीय पुरुषको उपचारका क्रममा मृत्यु भएको स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । कोहलपुरका पुरुषमा असोज ६ गते कोरोना पुष्टि भएको थियो । मधुमेहको समेत समस्या भएका ती पुरुषको दुबै फोक्सोमा निमोनिया भएको थियो । उनको आज विहान सवा ४ बजे मृत्यु भएको हो । उनी नेपालगन्ज मेडिकल कलेज नेपालगन्जका स्टाफको श्रीमान रहेको बताइएको छ । त्यस्तै उच्च रक्तचापको समेत समस्या भएका नेपालगन्जका पुरुषमा भदौ ३१ गते कोरोना पुष्टि भएको थियो । उनको आज विहान साढे ३ बजे मृत्यु भएको हो । उनी नेपालगन्ज मेडिकल कलेज नेपालगन्जका स्टाफ हुन् । यो संगै बाँकेमा कोरोना संक्रमणबाट मृत्यु हुनेको संख्या १५ पुगेको छ ।

प्रकाशित मिति: मंगलबार, आश्विन १३, २०७७, ०७:०३:००