'पाप त लाग्छ रवि दाई' भन्दै नेविसंघको प्रदर्शन

राजनीति

गृहपृष्ठ
राजनीति
'पाप त लाग्छ रवि दाई' भन्दै नेविसंघको प्रदर्शन

'पाप त लाग्छ रवि दाई' भन्दै नेविसंघको प्रदर्शन

बुधबार, जेठ २, २०८१ बागेश्वरी पोस्ट

काठमाडौं । नेपाल विद्यार्थी संघ (नेविसंघ) ले काठमाडौंमा प्रदर्शन गरेको छ । नेविसंघले आज बिहान सहकारी ठगी प्रकरण र गिरीबन्धु टी-स्टेटको नीतिगत भ्रष्टाचारमा संलग्न भएकालाई कारबाहीको माग गर्दै त्रिचन्द्र क्याम्पस अगाडि प्रदर्शन गरेको हो ।

नेविसंघले प्रदर्शन गर्दै सहकारी ठगी प्रकरणमा सरकारकै गृहमन्त्री जोडिएको घटनामा संसदीय छानबिन समिति गठन नगर्नुमा सरकार यस प्रकरणमा गम्भीर नरहेको भन्दै नारावाजी गरेका थिए ।

साथै आन्दोलनमा उत्रिएका नेविसंघका कार्यकर्ताहरुले रवि लामिछानेलाई बचाउन लागिरहेका केपी ओलीविरुद्ध नारावाजी गरेका छन् । नेविसंघले 'गुड मर्निङ केपी बा, चिया खानु भो ?, केपी ओली सहकारी ठगको प्रवक्ता, गृहमन्त्रीज्यु सहकारी ठगीको प्रमाण यहाँ छ, लाखौंले दु:ख गरेर बचत गरेको पैसा झ्वामै पार्ने ? पाप त लाग्छ रवि दाई । गिरीबन्धु टी-स्टेटका ठगलाई टुँडिखेलमा राखेर नाकको डाँडी भाँचिने गरी हान्नु है' लगायतका ब्यानरसहित प्रदर्शन गरेको हो ।

प्रकाशित मिति: बुधबार, जेठ २, २०८१ १२:०८

प्रतिक्रिया दिनुहोस्