बाढीले बगाउँदा बर्दियाका दुई मजदुर बेपत्ता

समाचार

गृहपृष्ठ
समाचार
बाढीले बगाउँदा बर्दियाका दुई मजदुर बेपत्ता

बाढीले बगाउँदा बर्दियाका दुई मजदुर बेपत्ता

बुधबार, साउन १६, २०८१ बागेश्वरी पोस्ट

नेपालगन्ज । भीषण वर्षाका कारण आएको बाढीले जलविद्युत आयोजनाका दुई जना मजदुरलाई बगाएर बेपत्ता बनाएको छ । भोजपुर जिल्लाको उत्तरमा रहेको साल्पासिलिछो गाउँपालिकामा निर्माणाधीन ईखुवा जलविद्युत आयोजनाका दुई मजदुरलाई बाढीले बगाएको प्रहरीले जनाएको छ ।

गएराति आएको बाढीले बगाउँदा जलविद्युत आयोजनामा काम गर्ने बर्दियाको बारबर्दिया नगरपालिका-३ का २६ वर्षीय श्यामकुमार थारु र सोही स्थानकै ३० वर्षीय रमेश थारु बेपत्ता भएको भोजपुर प्रहरीले जानकारी दिएको छ । त्यस्तै बाढीमा बगेका २६ वर्षीय राम किसन थारुको उद्धार गरेर घाइते भएका उनको स्थानीय अस्पतालमा उपचार भइरहेको प्रहरीले बताएको छ ।

बेपत्ता भएका दुई जनाको खोजी कार्य तीब्र पारिएको प्रहरीले जनाएको छ । उनीहरुको नेपाल प्रहरी र सशस्त्र प्रहरीको टोलीले खोजी गरिरहेको छ ।

प्रकाशित मिति: बुधबार, साउन १६, २०८१ ०८:५२