बाँके फुटबलमा मनोनित पदाधिकारीले गरे पदभार ग्रहण

खेलकुद

गृहपृष्ठ
खेलकुद
बाँके फुटबलमा मनोनित पदाधिकारीले गरे पदभार ग्रहण

बाँके फुटबलमा मनोनित पदाधिकारीले गरे पदभार ग्रहण

शनिबार, पुस २०, २०८१ बागेश्वरी पोस्ट

नेपालगञ्ज । बाँके जिल्ला फुटबल संघले मनोनित गरेका पदाधिकारी र महिला फुटबल समितिमा मनोनित पदाधिकारीको पदभार ग्रहण र बधाई कार्यक्रम सम्पन्न गरेको छ । नेपालगञ्जमा भएको कार्यक्रममा लुम्बिनी प्रदेशसभा सदस्य एवम् निवर्तमान सामाजिक विकास मन्त्री रत्न खत्री र बाँके जिल्ला फुटबल संघका अध्यक्ष एवम् अखिल नेपाल फुटबल संघका केन्द्रिय सदस्य भोजराज शाहीले मनोनित भएका पदाधिकारी र सदस्यहरुलाई प्रमाणपत्र प्रदान गर्दै कार्यकालको शुभकामना व्यक्त गरेका थिए ।

प्रमुख अतिथि खत्रीले बाँकेको फुटबल विकासमा मनोनित सदस्यको योगदान महत्वपूर्ण हुने बताए । खेलकुदको विकासका लागि दीर्घकालीन योजना बनाएर काम गर्न जरुरी रहेको खत्रीले बताए । बाँके जिल्ला फुटबल संघले विधानमा भएको व्यवस्था अनुसार गत मंसिर ३० गते बसेको बैठकले कोषाध्यक्षमा सानु तामाङ, सह–महासचिवमा दिर्घराज आचार्य (कौशल), सरिता थापा शाह र सदस्यमा कर्ण बस्नेतलाई मनोनित गरेको थियो । संघको गत पुस १५ गते बसेको बैठकले महिला फुटबल समितिको अध्यक्षमा नितु शाह चन्द, वरिष्ठ उपाध्यक्षमा नागिनदेवी श्रेष्ठ र महासचिवमा सुमित्रा लामिछानेलाई मनोनित गरेको थियो ।

पदभार ग्रहण तथा बधाई कार्यक्रममा एन्फाका पूर्व उपाध्यक्ष गोर्वद्धन सिंह सम्झना, लुम्बिनी प्रदेश फुटबल संघका सदस्य सुरेश श्रीपाठी, मोहन सिंह थापा, पूर्व राष्ट्रिय खेलाडी प्रसिद्ध जंग राणा, निजामुद्दिन सिद्धिकी (मुन्ना), सिद्धान्त जंग राणा लगायतको सहभागिता रहेको थियो ।

प्रकाशित मिति: शनिबार, पुस २०, २०८१ २१:०१

प्रतिक्रिया दिनुहोस्