प्याब्सन कप फुटबलको उपाधि सिद्धार्थ विद्या सदनले उचाल्यो

खेलकुद

गृहपृष्ठ
खेलकुद
प्याब्सन कप फुटबलको उपाधि सिद्धार्थ विद्या सदनले उचाल्यो

प्याब्सन कप फुटबलको उपाधि सिद्धार्थ विद्या सदनले उचाल्यो

शनिबार, माघ १९, २०८१ बागेश्वरी पोस्ट

नेपालगञ्ज । प्याब्सन कप फुटबलको उपाधि सिद्धार्थ विद्या सदनले उचालेको छ । आज सम्पन्न फाइनल खेलमा पशुपति सेकेण्डरी स्कुललाई ५-१ गोल अन्तरले पराजित गर्दै नेपालगञ्ज-६ फुल्टेक्रास्थित सिद्धार्थ प्रथम भएको हो । यस्तै मोडेल एकेडेमी तृतीय र जय बागेश्वरी स्कुल चौथो भएका छन् । प्याब्सन नेपालगञ्जले फुटबलसंगै फुटसल प्रतियोगिता पनि आयोजना गरेको थियो ।

फुटसल कपमा दश जोड दुई छात्रतर्फ होलिल्याण्ड स्कुल प्रथम, आदर्श माध्यमिक विद्यालय द्वितीय र मोडर्न स्कुल तृतीय भएका छन् । यस्तै दश जोड दुई छात्रातर्फ आदर्श माध्यमिक विद्यालय प्रथम, सगरमाथा द्वितीय र युनाइटेड स्कुल तृतीय भएका छन् । फुटसलमै शिक्षिकातर्फ पशुपति स्कुल प्रथम, नेपालगञ्ज सेन्ट जेभियर्स द्वितीय र जय बागेश्वरी स्कुल तृतीय भएका छन् ।

स्कुलस्तरको छात्राको फुटसलमा नेपालगञ्ज सेन्ट जेभियर्स प्रथम, जय बागेश्वरी द्वितीय र मोडेल एकेडेमी तृतीय भएका छन् । फुटबल र फुटसलका विजेता टीम तथा खेलाडीलाई नेपालगञ्ज उपमहानगरपालिकाका शिक्षा महाशाखा प्रमुख गोर्ख बहादुर थापा, नेपालगञ्ज उपमहानगरपालिका वडा नम्बर ९ का अध्यक्ष गोविन्द रेग्मी, प्याब्सनका प्राज्ञिक सल्लाहकार डा. राजेश केशर खनाल, प्याब्सन जिल्ला अध्यक्ष विकास बज्राचार्य, नगर अध्यक्ष मान बहादुर थापा लगायतले पुरस्कार वितरण गरेका थिए ।

प्रकाशित मिति: शनिबार, माघ १९, २०८१ २०:२६