फोनिज बाँकेको नयाँ कार्यसमिति सर्वसम्मत चयन

समाचार

गृहपृष्ठ
समाचार
फोनिज बाँकेको नयाँ कार्यसमिति सर्वसम्मत चयन

फोनिज बाँकेको नयाँ कार्यसमिति सर्वसम्मत चयन

शनिबार, फागुन ३, २०८१ बागेश्वरी पोस्ट

नेपालगन्ज । नेपाल आदिवासी जनजाति पत्रकार महासंघ (फोनिज) बाँकेको सातौँ जिल्ला अधिवेशनबाट अशोक थापा मगरको नेतृत्वमा ११ सदस्यीय कार्यसमिति निर्विरोध निर्वाचित भएको छ । नेपालगन्जमा सम्पन्न भएको अधिवेशनबाट थापाको नेतृत्वमा सर्वसम्मत ११ सदस्यीय नयाँ कार्यसमिति चयन भएको प्रमुख निर्वाचन अधिकृत पूर्णलाल चुकेले जानकारी दिए । कार्यसमितको उपाध्यक्षमा सोम गुरुङ, सचिवमा सुमन गिरी श्रेष्ठ, सहसचिवमा सुविता थारु र कोषाध्यक्षमा दीपक राई निर्विरोध निर्वाचित भएको प्रमुख निर्वाचन अधिकृत चुकेले बताए ।त्यसैगरी सदस्यहरुमा राजकुमार चौधरी, निर्मला चौधरी, कमल थारु, मिलन चौधरी, वीरबहादुर राना र निरञ्जन राना निर्वाचित भएका छन् । अधिवेशनको फोनिज लुम्बिनी प्रदेश अध्यक्ष गजेन्द्र गुरुङले उद्घाटन गरेका थिए । त्यस अवसरमा नेपाल पत्रकार महासंघ बाँकेका अध्यक्ष नवीन गिरी, आदिवासी जनजाति महासंघ बाँकेका अध्यक्ष डम्बर बहादुर थापा मगर, फोनिज पूर्व अध्यक्ष उमा थापा मगर, सल्लाहकारद्वय पूर्णलाल चुके र शरण कर्माचार्य, नेपाल प्रेस युनियन बाँकेका अध्यक्ष प्रियास्मृति ढकाल, प्रेस चौतारी अध्यक्ष कमल डाँगी, प्रेस सेन्टर अध्यक्ष चन्द्र बोहरा, समाजबादी प्रेस संगठन अध्यक्ष लोकनाथ शर्मा लगायतले शुभकामना मन्तव्य व्यक्त गरेका थिए । अधिवेशनमा पत्रकारद्वय कुमार श्रेष्ठ र विमला चौधरीलाई सम्मान समेत गरिएको थियो । उद्घाटन सत्र निवर्तमान अध्यक्ष भगतराम थारुको अध्यक्षतामा सम्पन्न भएको थियो ।

प्रकाशित मिति: शनिबार, फागुन ३, २०८१ ०६:५३