छोटी नाकाबाट आएर नेपालगञ्जमा अलपत्र परेका १ सय ७८ नेपालीको उद्दार

समाचार

गृहपृष्ठ
समाचार
छोटी नाकाबाट आएर नेपालगञ्जमा अलपत्र परेका १ सय ७८ नेपालीको उद्दार

छोटी नाकाबाट आएर नेपालगञ्जमा अलपत्र परेका १ सय ७८ नेपालीको उद्दार

सुख्खा बन्दरगाहमा राखियो

मंगलबार, चैत १८, २०७६ सौरभ गिरी

नेपालगञ्ज । भारतीय एसएसबीले ट्याक्टरमा राखेर छोटी नाकाबाट नेपाल पठाइदिएपछि अलपत्र परेका नेपालीहरुलाई नेपालगञ्जको जयसपुरस्थित सुख्खा बन्दरगाह क्षेत्रमा राखिएको छ ।

नाकामा फसेका नेपालीहरुलाई नेपाली सुरक्षा अधिकारीसँग समन्वय नै नगरी भारतीय एसएसबीले छोटी नाकाबाट नेपाल पठाइदिएपछि १ सय ७८ जना नेपाली अलपत्र परेका थिए । छोटी नाका जयसपुरबाट भित्रिएका उनीहरुलाई सुख्खा बन्दरगाहको जमिनमा पाल टाँगेर बसाइएको छ ।

अहिले खानाको व्यवस्थापन भइरहेको बाँके प्रहरीले जनाएको छ । बाँके प्रहरी प्रमुख प्रहरी उपरिक्षक बीरबहादुर ओलीले नाकामा फसेका नेपालीलाई ल्याउन समन्वय भइरहँदा छोटी नाकाबाट भित्रिएको बताउनुभयो ।

उहाँले सबैलाई एकै ठाउँमा राखेर लगत लिने काम भइरहेको बताउँदै अब कहाँ राख्ने भन्ने विषयमा छलफल भइरहेको बताउनुभयो । ‘यहीँ राख्ने हुन्छ वा उनीहरुलाई सम्वन्धित जिल्लामा पठाउने हुन्छ, त्यसबारेमा छलफल भइरहेको छ,’ प्रहरी उपरिक्षक ओलीले भन्नुभयो ।

प्रकाशित मिति: मंगलबार, चैत १८, २०७६ १६:२४