बाँकेको नरैनापुर क्वारेन्टाइनमा १ सय ३३ जना पुगे

समाचार

गृहपृष्ठ
समाचार
बाँकेको नरैनापुर क्वारेन्टाइनमा १ सय ३३ जना पुगे

बाँकेको नरैनापुर क्वारेन्टाइनमा १ सय ३३ जना पुगे

बिहीबार, चैत २०, २०७६ सौरभ गिरी

नरैनापुर(बाँके), चैत २० । बाँकेको नरैनापुर गाउँपालिकाले वडा नम्बर ६ स्थित जय किसान माविमा संचालन गरेको क्वारेन्टाइनमा १ सय ३३ जना पुगेका छन् ।

१ सय ७ जना पहिले नै त्यहाँ रहेकोमा नेपालगन्जस्थित एक होटलमा रहेका २६ जनालाई पनि स्थानान्तरण गरिएपछि १ सय ३३ जना पुगेका हुन् ।

लकडाउन र नेपाल भारत सीमा नाका बन्द भएको समयमा पनि भारतका विभिन्न सहरमा मजदुरी गर्न गएका स्थानीय चोर बाटो भएर आउने क्रम नरोकिएपछि नरैनापुरको क्वारेन्टाइनमा जिल्लामै सबैभन्दा बढी बसेका छन् ।

"जसोतसो गरेर सकेसम्म सबै आवश्यक जोहो गरेका छौं," अध्यक्ष इस्तियाक अहमद शाहले भन्नुभयो-"खान बस्न कुनै समस्या नहोस् भनेर ध्यान दिएका छौं, चिया नास्ता र साँझ विहान खानाको ब्यवस्था गरेका छौं।"

रेडक्रस गंगापुर शाखाका उपसभापति शालिकराम साहुले रेडक्रसले सरसफाईदेखि क्वारेन्टाइन ब्यवस्थापनमा सहयोग गरिरहेको बताउनुभयो।

प्रकाशित मिति: बिहीबार, चैत २०, २०७६ १५:३४

प्रतिक्रिया दिनुहोस्