कोरोना लकडाउन:नेपालगन्जको वडा नंं १३ मा बिपन्न परिवारलाई राहत वितरण

समाचार

गृहपृष्ठ
समाचार
कोरोना लकडाउन:नेपालगन्जको वडा नंं १३ मा बिपन्न परिवारलाई राहत वितरण

कोरोना लकडाउन:नेपालगन्जको वडा नंं १३ मा बिपन्न परिवारलाई राहत वितरण

बिहीबार, चैत २०, २०७६ सौरभ गिरी

नेपालगन्ज। अहिले बिश्व कोरोना भाइरस महामारीबाट ग्रसित छ। बिश्वभर नै लकडाउन भएको छ।त्यस्तै कोरोना भाइरस संक्रमण फैलिन नदिन नेपाल सरकारले बिगत १० दिनदेदेखी लकडाउन गर्दै आएको छ।

उक्त लकडाउनमा नेपालगन्जको वडा नम्बर १३ ले भोकबाट बचाउनलाई बिपन्न परिवारलाई आजदेखि राहत स्वरुप खाध्य सामाग्री वितरण गरेको वडा नम्बर १३ का अध्यक्ष बिरेन्द्र बहादुर शाहले जानकारी दिनुभयो।

वडा भित्र रहेका ४ सय घरधुरीमा रहेका बिपन्न परिवारलाई राहत स्वरुप १५ किलो चामल, ५ किलो दाल, ५ किलो आलु, एक बोरी पिठो, एक लिटर तेल, एक प्याकेट नुन र साबुन वितरण गरिएको अध्यक्ष शाहले भन्नुभयो।

दैनिक मजदुरी गरेर परिवार पाल्दै आएका एबम बिपन्न परिवारहरुको लागि उनीहरुको घरमै गएर यी अति आबश्यक सामाग्री सहयोग गरिएको शाहले बताउनु भयो।

त्यस्तै वडा भित्र बसोबास गर्दै आइरहेका विद्यार्थी लगायत अन्यको पहिचान गरि सहयोगका लागि नेपालगन्ज उपमहानगरपालिकामा नाम पठाउने कार्य समेत गरिरहेको अध्यक्ष शाहले बताउनु भयो।

वडाबाट राहत स्वरुप खाधान्न पाएपछि बिपन्न बर्गका परिवारले अब भने केही दिन भोकै नमरिने बताएका छन् ।राहत वितरणमा अध्यक्ष शाहसहित वडा सदस्य ओम प्रकाश चौहान, सदस्य सत्य नारायण यादब लगायत कर्मचारीहरु लागीपरेका छन।