राप्तीसोनारीका हरेक वडामा १०/१० बेडको आइसोलेसन बन्दै

समाचार

गृहपृष्ठ
समाचार
राप्तीसोनारीका हरेक वडामा १०/१० बेडको आइसोलेसन बन्दै

राप्तीसोनारीका हरेक वडामा १०/१० बेडको आइसोलेसन बन्दै

बिहीबार, जेठ ८, २०७७ सौरभ गिरी

राप्तीसोनारी, बाँके । राप्तीसोनारी गाउँपालिकाका प्रत्येक वडामा कम्तिमा १०/१० बेडको आइसोलेसन अस्पताल बनाइने भएको छ । भारतका कोरोना अति प्रभावित क्षेत्रबाट गाउँपालिकाका स्थानीय आइरहेकाले कोरोना पोजिटिभ देखिन सक्ने अवस्थालाई मध्यनजर गरेर आइसोलेसन केन्द्र बनाउने निर्णय गरिएको हो ।

कोरोना पोजिटिभ देखिएका तर स्वास्थ्य अवस्था सामान्य रहेकालाई राख्न हरेक वडामा एक एक वटा कम्तिमा १०/१० बेडको आइसोलेसन सेन्टर स्थापना गर्न चाहेमा नजिकका दुई वा सो भन्दा बढी वडाले आपसी समन्वयमा एक वडामा क्वारेन्टाइन र अर्को वडामा आइसोलेसन संचालन पनि गर्न सक्ने गाउँपालिकाका अध्यक्ष लाहुराम थारुले बताउनुभयो । सम्बन्धित वडाका पोजेटिभ देखिएका विरामीलाई सोही वडाभित्रको आइसोलेसनमा ब्यवस्थापन गर्ने निर्णय गरिएको अध्यक्ष थारुले भन्नुभयो। सो वडाभित्रका विरामी थपिन सक्ने अवस्था आएमा १० वेडलाई बढाएर वडाभित्रका संक्रमितलाई सोही वडाको आइसोलेसन स्थलमा ब्यवस्थापन गरिने थारुले बताउनुभयो ।

वेडको क्षमता विस्तार तत्काल हुने गरी तयारी गर्ने तर संक्रमणका कारण स्वास्थ्य अवस्था जटिल भएका विरामीलाई भने संघीय सरकार र प्रदेश सरकारले ब्यवस्थापन गरेका अस्पताल तथा केन्द्रहरुमा पठाउने गाउँपालिकाका प्रमुख प्रशासकीय अधिकृत दल बहादुर बस्नेतले बताउनुभयो । हरेक वडाका आइसोलेसन तथा क्वारेन्टाइन स्थलहरुको ब्यवस्थापन सम्बन्धित वडाले सरोकारवाला निकायहरुको समन्वयमा गर्ने निर्णय पनि गरिएको छ बस्नेतले बताउनुभयो।

आइसोलेसन तथा क्वारेन्टाइन स्थलहरुको संचालन तथा ब्यवस्थापनमा बाधा विरोध गर्नेलाई प्रचलित कानुन बमोजिम काराबाहीका लागि लेखी पठाइ ने लेखा अधिकृत गौरब कुमार लामिछानेले जानकारी दिनुभयो। क्वारेन्टाइन तथा आइसोलेसनहरुको ब्यवस्थापन बापत् लाग्ने खर्च गाउँपालिकाले ब्यहोर्ने तर सोधभर्नाको लागि नेपाल सरकार र प्रदेश सरकामा अनुरोध गर्ने निर्णय पनि गरिएको लेखा अधिकृत लामिछानेले बताउनुभयो ।

प्रकाशित मिति: बिहीबार, जेठ ८, २०७७ २०:४०

प्रतिक्रिया दिनुहोस्