बजार अनुगमन तिव्र : पानी उद्योगको अनुगमन

समाचार

गृहपृष्ठ
समाचार
बजार अनुगमन तिव्र : पानी उद्योगको अनुगमन

बजार अनुगमन तिव्र : पानी उद्योगको अनुगमन

मंगलबार, असार २, २०७७ सुनिल रेग्मी

नेपालगन्ज । वाणिज्य आपूर्ति तथा उपभोक्ता संरक्षण कार्यालय, नेपालगन्जले बजार अनुगमन लाई तिव्र पारेको छ ।

मंगलबार मात्रै बांकेका दुई पानी उद्योगमा अनुगमन गरिएको छ भने खजुरामा अबैध पेट्रोल र नेपालगन्जमा अखाद्य दहि नस्ट गरिएको छ । बरामद गरिएको पेट्रोल इलाका प्रहरी कार्यालय धनौली मा ल्याइ नस्ट गरिएको छ ।

सिभिल प्रोसेसिङ्ग इन्डर्ष्टिज प्रालि, नेपालगन्ज र अमृत िड्रकिङ्ग वाटर खजुराको अनुगमन गरिएको हो । पानी उद्योगको अनुगमनका क्रममा गुणस्तर र बोतलको तौल/गुणस्तर परिक्षणको लागि अलग अलग नमुना संकलन गरिएको र उत्पादन स्थलमा सरसफाइ एवं स्वच्छता कायम गर्ने, ब्याच नं. स्पष्ट खुल्ने गरि लगाउने लगायतका विषयमा वाणिज्य, आपूर्ति तथा उपभोक्ता संरक्षण कार्यालय, नेपालगन्ज ले निर्देशन दिएरको वाणिज्य कार्यालयका सुचना अधिकारी देवीलाल चौलागाईंले जानकारी दिनुभयो ।

अनुगमनका क्रममा नेपालगन्ज, विपि चोक स्थित "कान्हा डेरी एन्ड जनरल स्टोर"मा दुग्धजन्य पदार्थको स्वच्छता मापदण्ड कायम नगरी, अव्यवस्थित रूपमा र जनस्वास्थ्यमा असर गर्ने गरि राखिएको करिब ४० लि. दहि नष्ट गरि दुग्धजन्य पदार्थको स्वच्छता कायम राख्न र प्याकेजिङ्ग नगरिएका दुग्ध जन्य पदार्थ बेचबिखन नगर्न निर्देशन दिइएको सूचना अधिकारी चौलागाईंले जानकारी दिनुभयो ।

अनुगमन टोलिमा वाणिज्य कार्यालय प्रमुख कृष्ण प्रसाद पौडेल, जिल्ला प्रशासन कार्यालयका प्रशासकीय अधिकृत हरिश्चन्द्र शर्मा, खाद्य प्रबिधि तथा गुण नियन्त्रण कार्यालयका नेत्रा बोगटी ,गुणस्तर तथा नापतौल कार्यालयका बोधराज ढकाल, नेपालगन्ज उपमहानगरपालिकाका बिमल गुरुङ, उपभोक्ता हित संरक्षण मन्चका वसन्त गौतम लगायतको सहभागी रहेको थियो ।

प्रकाशित मिति: मंगलबार, असार २, २०७७ २१:३८

प्रतिक्रिया दिनुहोस्