कोरोना देखिँदै गएकाले कार्यालय संचालनको मोडालिटी चेञ्ज गर्नुपर्छः चौलागाईं

समाचार

गृहपृष्ठ
समाचार
कोरोना देखिँदै गएकाले कार्यालय संचालनको मोडालिटी चेञ्ज गर्नुपर्छः चौलागाईं

कोरोना देखिँदै गएकाले कार्यालय संचालनको मोडालिटी चेञ्ज गर्नुपर्छः चौलागाईं

सोमबार, साउन १२, २०७७ सुनिल रेग्मी

नेपालगञ्ज । एक पछि अर्को गर्दै बाँके जिल्लामा रहेका सरकारी कार्यालयमा कार्यरत कर्मचारीहरुमा कोरोना संक्रमण पुष्टि हुन थालेपछि कर्मचारीहरु त्रसित र चिन्तित बनेका छन् । शनिवार आन्तरिक राजश्व कार्यालय नेपालगन्जका एक जना पुरुष अधिकृतमा कोरोना पुष्टि भएको भोलिपल्ट आइतबार फेरि यातायात कार्यालयमा कार्यरत एक जना महिला कर्मचारीमा कोरोना पुष्टि भएको छ । कोरोना देखिएपछि दुवै कार्यालयहरु शिल गरिएको छन् ।

यसैबीच नेपाल निजामति कर्मचारी संगठन बाँकेका सचिव देवीलाल चौलागाईंले सरकारको लकडाउन अन्त्यको घोषणाले सर्वसाधारणहरुमा भ्रम फैलाएकाले सावधानी नअपनाउँदा कोरोना समुदायस्तरमा फैलिएको र त्यसको निशानामा जनतासंग प्रत्यक्ष सरोकार रहेका सरकारी कार्यालय र त्यहाँ काम गर्ने कर्मचारी परेको भन्दै चिन्ता व्यक्त गर्नुभएको छ ।

सरकारी कार्यालयहरुले हालको सेवाप्रवाहको मोडालिटीमा आमूल परिवर्तन गर्नुपर्ने आवश्यकता औंल्याउदै यथास्थितिमा कार्यालय संचालन गरे आत्मघाती हुने चौलागाईंले बताउनुभयो । जनताको प्रत्यक्ष सम्पर्क र सम्बन्धमा रहेका कार्यालयमा कार्यरत सम्पूर्ण कर्मचारीहरुको यथाशिघ्र कोरोना परिक्षण गरी सेवाप्रवाहको वर्तमान अवस्थालार्इ परिवर्तन गर्नुपर्ने संगठनका सचिव चौलागाईंको माग छ ।

शुरुमा कोरोनाको हटस्पटको रुपमा देखिएको बाँके जिल्लामा निको हुनेको संख्या उल्लेख्य रुपमा वृद्धि भई कतिपय स्थानीय तह कोरोना मुक्त समेत भइसकेको अवस्थामा पछिल्लोपटक समुदायस्तरमा नै कोरोना देखिएपछि बाँकेबासी चिन्तित बनेका छन् ।

प्रकाशित मिति: सोमबार, साउन १२, २०७७ ११:४२

प्रतिक्रिया दिनुहोस्