राप्तीसोनारीको फत्तेपुरमा ट्रयाक्टरले मोटरसाइकललाई ठक्कर दिदा २ जनाको मृत्यु

समाचार

गृहपृष्ठ
समाचार
राप्तीसोनारीको फत्तेपुरमा ट्रयाक्टरले मोटरसाइकललाई ठक्कर दिदा २ जनाको मृत्यु

राप्तीसोनारीको फत्तेपुरमा ट्रयाक्टरले मोटरसाइकललाई ठक्कर दिदा २ जनाको मृत्यु

शनिबार, कात्तिक २३, २०७६ सौरभ गिरी

सांकेतिक तस्बिर

नेपालगन्ज । बाँकेको राप्तीसोनारी गाउँपालिकामा काठ लोडेड ट्रयाक्टरले मोटरसाइकललाई ठक्कर दिदा दुई जनाको मृत्यु भएको छ।

राप्तीसोनारी गाउँपालिका वडा नम्बर ७ फत्तेपुरमा २८०१ मात्रै देखिएको नम्बर प्लेटको ट्रयाक्टरले म २ प ७०३४ नम्बरको मोटरसाइकललाई आज बिहान २ बजे ठक्कर दिदा मोटरसाइकलमा सवार दुई जनाको मृत्यु भएको छ।

इलाका प्रहरी भगवानपुरका अनुसार मृत्यु हुनेहरुमा राप्तीसोनारी ७ फत्तेपुरका २४ बर्षीय सुमन कुमार थारु र सोही स्थानकै १५ बर्षीय सन्जित थारु रहेका छन् । घाइते दुबैलाई उपचारका लागि नेपालगन्ज मेडिकल कलेज नेपालगन्ज ल्याइए पनि चिकित्सकले मृत घोषणा गरेका थिए। ठक्कर दिने ट्रयाक्टरलाई इलाका प्रहरी भगवानपुरले नियन्त्रणमा लिएको छ भने चालक फरार रहेको प्रहरी निरीक्षक मान बहादुर बिसीले जानकारी दिएका छन् ।

घटना सम्बन्धमा राप्तीसोनारी गाउँपालिका अध्यक्ष लाहुराम थारु नेपालगन्ज मेडिकल कलेज पुगेर जिल्ला प्रहरी बाँकेका मुद्दा फाट प्रमुख प्रहरी निरीक्षक दिपक मल्लसग दोषीलाई कारबाही गर्न आग्रह गरेका छन्। फरार चालकको खोजीकार्य भइरहेको प्रहरी निरीक्षक बिसीले बताएका छन् ।

प्रकाशित मिति: शनिबार, कात्तिक २३, २०७६ ०७:५२

प्रतिक्रिया दिनुहोस्