बाँकेमा २४ जना थपिँदा सबैजसो फ्रन्टलाइनर

समाचार

गृहपृष्ठ
समाचार
बाँकेमा २४ जना थपिँदा सबैजसो फ्रन्टलाइनर

बाँकेमा २४ जना थपिँदा सबैजसो फ्रन्टलाइनर

मंगलबार, भदौ १६, २०७७ सुनिल रेग्मी

नेपालगञ्ज । बाँकेमा आज २४ जनामा कोरोना संक्रमण पुष्टि भएको छ । थपिएका अधिकांश फ्रन्टलाइनर हुन् । यो संगै बाँकेमा कोरोना संक्रमितको संख्या १ हजार ६७ पुगेको छ ।

भेरी अस्पताल नेपालगञ्जमा गरिएको पिसिआर परिक्षणमा जिल्ला प्रहरी कार्यालय बाँकेका ९ जना प्रहरी, नविल बैंक, एनआइसी एसिया बैंक, माछापुच्छ्रे बैंक र आन्तरिक राजश्व कार्यालयका एक एक जना कर्मचारीमा पनि भाइरस देखिएको छ ।

त्यस्तै नेपालगञ्ज ठेगाना भएका ८ जना तथा जानकी र खजुराका १/१ जनामा कोरोना पुष्टि भएको जिल्ला स्वास्थ्य कार्यालय बाँकेका कोरोना फोकल पर्सन नरेश श्रेष्ठले बताउनुभयो । यसमा भेरी अस्पतालका एक जना बिशेषज्ञ चिकित्सकसहित ६ जना स्वास्थ्यकर्मी र एक जना पत्रकार छन् ।

भेरीमै गरिएको परिक्षणमा बर्दियाका ४ र दाङका ५ जनामा समेत संक्रमण देखिएको छ । पछिल्लो २४ घण्टामा १ हजार ५ सय ८१ वटा नमुना परिक्षण गर्दा ३३ जनामा भाइरस संक्रमण पुष्टि भएको हो ।

प्रकाशित मिति: मंगलबार, भदौ १६, २०७७ १५:१९

प्रतिक्रिया दिनुहोस्