राप्तीसोनारीको दक्षिणी भेगमा छड्के, १७ मोटरसाइकल नियन्त्रणमा

समाचार

गृहपृष्ठ
समाचार
राप्तीसोनारीको दक्षिणी भेगमा छड्के, १७ मोटरसाइकल नियन्त्रणमा

राप्तीसोनारीको दक्षिणी भेगमा छड्के, १७ मोटरसाइकल नियन्त्रणमा

बुधबार, भदौ १७, २०७७ सौरभ गिरी

नियन्त्रणमा लिइएका मोटरसाइकल ल्याउँदै प्रहरी

फत्तेपुर( बाँके ) । राप्तीसोनारी गाउँपालिकाको दक्षिणी भेगमा प्रहरीले आज सवारी साधनको कडा चेकजाँच गरेको छ।

चेकजाँचका क्रममा प्रहरीले राप्तीसोनारीको वडा नम्बर ६ को कुन्दा चोक, वडा नम्बर ६ कै सिद्धेश्वर स्कुल चोक र वडा नम्बर ७ को लालपुरबाट कागजपत्र नबोकेर गुडेेका १७ मोटरसाइकललाई नियन्त्रणमा लिएको छ । त्यस्तै ३३ सवारी साधनबाट चेकिङस्थलमै ३३ हजार राजस्व संंकलन गरेको जिल्ला ट्राफिक प्रहरी बाँकेका प्रमुख प्रहरी निरिक्षक पबिन्द्र बमले बताउनुभयो । नियन्त्रणमा लिइएका मोटरसाइकललाई इलाका प्रहरी कार्यालय कम्दीमा राखिएको छ ।

३ स्थानमा गरिएको चेकजाँचमा कुन्दा चोकमा ट्राफिक प्रहरी प्रमुख बम, सिद्धेेेेश्वर स्कुल चोकमा कम्दी प्रहरी प्रमुख प्रहरी नायब निरिक्षक सुरेन्द्र पन्त र लालपुरमा जिल्ला प्रहरी बाँकेका प्रहरी निरिक्षक खडक मल्लको नेतृत्वमा सवारी साधनलाई नियन्त्रणमा लिइएको हो । चेकजाँचमा फत्तेपुर प्रहरी चौकी(ख)का प्रहरी सहायक निरिक्षक राम बहादुर चन्द लगायत ५० बढी प्रहरी र ट्राफिक प्रहरीले दिनभर चेकजाँच गर्नुभएको थियो ।

यसरी प्रहरी र ट्राफिक प्रहरीले राप्तीसोनारीको दक्षिणी भेगमा गरेको संयुक्त चेकजाँचबाट यहाँका स्थानीयले अब भने कागजपत्र बोकेर सवारी साधन चलाउनुपर्ने पाठ सिकेका छन् । नियन्त्रणमा लिएर कम्दी प्रहरीमा राखिएका मोटरसाइकललाई भने सवारी धनीले कागजपत्र लिएर आएर जरिवाना तिरेर आफ्नो मोटरसाइकल लिन सक्ने कम्दी प्रहरी प्रमुख प्रहरी नायब निरिक्षक पन्तले बताउनुभयो ।