न्युट्रास्यिुटिकल्स प्रडक्ट प्रेस्काइव गर्ने डाक्टरको अधिकार हो:नेपाल चिकित्सक संघ

समाचार

गृहपृष्ठ
समाचार
न्युट्रास्यिुटिकल्स प्रडक्ट प्रेस्काइव गर्ने डाक्टरको अधिकार हो:नेपाल चिकित्सक संघ

न्युट्रास्यिुटिकल्स प्रडक्ट प्रेस्काइव गर्ने डाक्टरको अधिकार हो:नेपाल चिकित्सक संघ

शनिबार, कात्तिक २३, २०७६ सुनिल रेग्मी

undefined

नेपालगन्ज ।नेपाल चिकित्सक संघले आवश्यकताका आधारमा बिरामीलाई आहारपुरक खाद्य पदार्थ (फुड, न्युट्रास्यिुटिकल्स तथा डायटरी सप्लिमेन्ट) प्रेस्काइव गर्ने अधिकार डाक्टरसंग रहेको दावी गरेको छ ।

कतिपय उपभोक्तावादी संस्था तथा सरोकारवालाले चिकित्सकहरुले अनावश्यक रुपमा आहारपुरक खाद्य पदार्थ प्रेस्काईव गरी बिरामीलाई अनावश्यक आर्थिक भार पार्ने काम गरेको आरोप लगाइरहेका बेला संघको यस्तो धारणा सार्वजनिक भएको हो ।

संघका महासचिव डा लोचन कार्कीद्धारा आज विज्ञप्तीमा चिकित्सकहरुले खाद्य ऐन २०३३ र खाद्य नियमावली २०२७ मा उल्लेख भएका खाद्य प्रविधि तथा गुण नियन्त्रण विभागले स्वीकृति प्रदान गरेका आहार पुरक खाद्य पदार्थ विरामीको रोग उमेर र आवश्यकता अनुसार सिफारिस हुने गरेको बताइएको छ ।

उनले विज्ञप्तीमा त्यसरी सिफारिस गरिएको आहारपुरक खाद्य पदार्थ स्वास्थ्य उपचारमा सहयोगी सावित हुने भएकोले अन्तराष्ट्रिय मान्यता अनुरुप सिफारिस गर्दै आएको बताएका छन् । यता औषधि व्यवस्था विभागले भने न्युट्रास्यिुटिकल्स विक्री वितरणलाई निरुत्साहन हुने गरी औषधि पसलमा त्यस्ता बस्तु राख्न र विक्री वितरण गर्न नपाइने बताएको छ ।

औषधि क्षेत्रका कतिपय व्यक्तिहरुले भने कमिसनको चक्करमा चिकित्सकहरुले अनावश्यक रुपमा न्युट्रास्यिुटिकल्स प्रडक्टहरुको सिफारिस गर्ने गरेको आरोप लगाउने गरेका छन् ।

प्रकाशित मिति: शनिबार, कात्तिक २३, २०७६ २१:४१

प्रतिक्रिया दिनुहोस्