नेपाल टाइगर क्रिकेट क्लब सेमिफाइनलमा ,बुधबार दुबै सेमिफाइनलको खेल हुँदै

खेलकुद

गृहपृष्ठ
खेलकुद
नेपाल टाइगर क्रिकेट क्लब सेमिफाइनलमा ,बुधबार दुबै सेमिफाइनलको खेल हुँदै

नेपाल टाइगर क्रिकेट क्लब सेमिफाइनलमा ,बुधबार दुबै सेमिफाइनलको खेल हुँदै

मंगलबार, मंसिर १०, २०७६ सुनिल रेग्मी

कोहलपुर । बांकेको कोहलपुरमा जारी स्व. लोक बहादुर थापा मगर स्मृति रनिङ शिल्ड क्रिकेट प्रतियोगितमा बुधबार भएको खेलमा नेपाल टाइगर स्पोर्ट्स क्ल्ब नेपालगन्ज सेमिफाइनल प्रवेश गरेको छ ।

प्रस्तावित अन्तरास्ट्रिय क्रिकेट मैदान कोहलपुर भएको खेलमा टाइगरले कोहलपुर क्रिकेट एकेडेमी बि टिमलाई १ सय १९ रनले पराजित गरेको छ । खेलमा टस जितेर पहिला व्याटिङ गरेको टाइगरले २० ओभरमा ५ गुमाउँदै १ सय ९१ रन बनाएको थियो । उसका लागि अमर सिंह रौटेला ३७ बलमा ४ चौका ५ छ्क्काको मद्दतले ६८ रन बनाए भने शिदान्त राज शाहीले ४१ र अजय साहनीले १८ रन जोडे । कोहलपुरका बलर समीर शाहले १ विकेट लिए ।

जबाफी व्याटिगमा आएको कोहलपुर क्रिकेट एकेडेमीले २० ओभरमा ७ बिकेट गुमाएर मात्र ७२ रन जोड्न सक्यो । उसका लागि असमित शाही १६,सिदार्थ सेन्चुरीले १० रन जोड्नु वाहेक अन्यले राम्रो प्रदर्शन गर्न सकेनन् । टाइगरका बलर अजय साहनि र सिद्धांतराज शाहीले २–२ विकेट लिए । खेलमा टाइगरका अमर म्यान अफ द म्याच घोषित भए । प्रतियोगितामा बुधबार दुबै सेमिफाइनलको खेल हुनेछ । पहिलो खेलमा होलिल्याड मा बि र नेपालगन्ज क्याम्पस तथा दोस्रो खेलमा नेपाल टाइगर र कोहलपुर क्रिकेट एकेडेमी ए टिम बिच खेल हुने प्रतियोगिता संयोजक सरोबर प्रसाइले जानकारी दिनु भयो ।

प्रतियोगिता बाँके जिल्ला क्रिकेट संघ अध्यक्ष एवम प्रदेश नम्बर ५ अध्यक्ष दुर्गा थापाले आफ्ना स्व. बुबाको स्मृतिमा प्रायोजन गरेका हुन । प्रतियोगितामा होलिल्यान्ड उच्च मावि, नेपालगन्ज क्याम्पस ,नेपाल टाइगर, जेगवार स्पोर्टस क्लब, कोहलपुर क्रिकेट एकेडेमी ‘ए’ र ‘बी’ले भाग लिएका छन् । प्रतियोगिताको विजेता टोलीले नगद १ लाख १ सय, उपविजेताले ५१ हजार, म्यान अफ द सिरिजले ११ हजार, उत्कृष्ट ब्याटसम्यान र वलरले समान ५ हजार १ सय र प्रत्येक खेलको म्यान अफ द म्याचले १५ सय रुपैया पाउने आयोजक बाँके जिल्ला क्रिकेट संघका अध्यक्ष दुर्गा थापाले बताउनु भयो ।

प्रतियोगिता १२ गते सम्म कोहलपुर क्रिकेट मैदानमा संचालन हुने प्रतियोगिता लिग कम नकआउटका आधारमा संचालन भैरहेको छ ।

प्रकाशित मिति: मंगलबार, मंसिर १०, २०७६ १६:४७

प्रतिक्रिया दिनुहोस्