स्व. लोक बहादुर थापा स्मृति कप क्रिकेटको उपाधी नेपाल टाइगर स्पोर्ट्स कलबलाई

खेलकुद

गृहपृष्ठ
खेलकुद
स्व. लोक बहादुर थापा स्मृति कप क्रिकेटको उपाधी नेपाल टाइगर स्पोर्ट्स कलबलाई

स्व. लोक बहादुर थापा स्मृति कप क्रिकेटको उपाधी नेपाल टाइगर स्पोर्ट्स कलबलाई

बिहीबार, मंसिर १२, २०७६ सुनिल रेग्मी

कोहलपुर ।कोहलपुरमा भएको स्व. लोक बहादुर थापा मगर स्मृति रनिङ शिल्ड क्रिकेट प्रतियोगिताको उपाधि नेपाल टाइगर स्पोर्ट्स क्लब नेपालगन्जले हात पारेको छ ।

प्रस्तावित अन्तर्राष्ट्रिय क्रिकेट मैदान कोहलपुरमा बिहिवार भएको फाइनल खेलमा टाइगरले होलिल्याड मा बि नेपालगन्ज लाई ६ बिकेटले पराजित गर्दै उपाधी कव्जा जमाएको हो । खेलमा टस जितेर पहिला व्याटिग गरेको होलिल्याडले २० ओभरमा ९ गुमाउँदै ९१ रन बनाएको थियो । उसका लागि प्रनित थापाले २९,सहिद अन्सारीले २८ रन बनाए । टाइगरका बलर अमर सिंह रौटेलाले ४ ओभरमा १२ रन दिएर ४ विकेट लिए भने निजामुदिन हलवाइले २ विकेट लिए । जबाफी व्याटिग टाइगरले १८ ओभरमा ४ बिकेट को नोक्सानीमा बिजयी लक्ष भेटायो ।

उसका लागि अमर सिंह रौटेला १९, सिद्धान्तराज शाहीले १६ रन बनाए । होलिल्याडका बलर साहिद अन्सारीले १ विकेट लिए । प्रतियोगितामा होलिल्यान्ड उच्च मावि, नेपालगन्ज क्याम्पस ,नेपाल टाइगर, जेगवार स्पोर्टस क्लब, कोहलपुर क्रिकेट एकेडेमी ‘ए’ र ‘बी’ले प्रतिस्पर्धा गरेका थिए । प्रतियोगिताको विजेता टोली टाइगरले नगद १ लाख १ सय, उपविजेता होलिल्याडले ५१ हजार प्राप्त गरेका छ्न ।

प्रतियोगितामा म्यान अफ द सिरिज नेपाल टाइगरका अमर सिंह रौटेलाले ११ हजार, उत्कृष्ट ब्याटसम्यान होलिल्याडका अनुपम सिंह र बेस्ट वलर नेपालगन्ज क्याम्पसका प्रतिक गिरि घोषित हुदै समान ५ हजार १ सय प्राप्त गरेका छन् । बिजेता तथा उपबिजेता टिम लाई प्रमिख अतिथिको प्रदेश सांसद सुरेन्द्र हमाल,नेपालगन्ज उपमहानगरपालिका का उपमेयर उमा थापा मगर , नेपालगन्ज उपमहानगर १२ का वडा सदस्य तरुण बज्राचार्य लगायतले पुरस्कर बितरण गर्नु भएको थियो ।प्रतियोगिता बाँके जिल्ला क्रिकेट संघ अध्यक्ष एवम प्रदेश नम्बर ५ र ६ का अध्यक्ष दुर्गा थापाले आफना स्व. बुबाको स्मृतिमा प्रायोजन गरेका हुन ।

बाँके जिल्ला क्रिकेट संघले आयोजना गरेको प्रतियोगितामा जिल्ला का ६ टिमले भाग लिएको थियोे ।

प्रकाशित मिति: बिहीबार, मंसिर १२, २०७६ १६:२३