राप्तीसोनारी ७ मा नवनिर्वाचित अध्यक्ष पौडेल र उपाध्यक्ष थारुलाई सम्मान

आम निर्वाचन-२०७९

गृहपृष्ठ
आम निर्वाचन-२०७९
राप्तीसोनारी ७ मा नवनिर्वाचित अध्यक्ष पौडेल र उपाध्यक्ष थारुलाई सम्मान

राप्तीसोनारी ७ मा नवनिर्वाचित अध्यक्ष पौडेल र उपाध्यक्ष थारुलाई सम्मान

शनिबार, जेठ ७, २०७९ सौरभ गिरी

नेपालगन्ज । बाँकेको राप्तीसोनारी गाउँपालिकाका नवनिर्वाचित अध्यक्ष तप्त पौडेललाई नेपाली कांग्रेस राप्तीसोनारी ७ मा भव्य स्वागतसहित सम्मान गरिएको छ ।

राप्तीसोनारी वडा नम्बर ७ कांग्रेस कमिटी र मतदाताहरुले नवनिर्वाचित अध्यक्ष पौडेललाई आज एक कार्यक्रमका बिच बधाई तथा सम्मान गर्दै कार्यकालको शुभकामना दिएका छन् । अध्यक्ष पौडेलसँगै नवनिर्वाचित उपाध्यक्ष मनिषा सिंह थारुलाई पनि वडा नम्बर ७ कांग्रेस कमिटीले सम्मान गरेको हो ।

मतदाताहरुले नवनिर्वाचित अध्यक्ष र उपाध्यक्षलाई बधाई दिँदै वडा नम्बर ७ मा बिकास निर्माणमा बढी प्राथमिकता दिनुपर्ने बताएका छन् । स्थानीयले पालिकादेखि सबैभन्दा टाढा रहेको वडा भएकै कारण पनि पालिकाको ध्यान त्यति नगएको गुनासो पोखेका थिए ।

बधाई तथा सम्मान कार्यक्रमलाई सम्बोधन गर्दै अध्यक्ष पौडेलले वडा नम्बर ७ का जनतालाई बिशेष रुपमा हेर्दै त्यहाँको बिकास निर्माणमा आफू कटिबद्ध भएर लाग्ने बताएका छन् । वडा नम्बर ७ मा सोचे भन्दा बढी बिकास हुनेमा ढुक्क हुन उपाध्यक्ष थारुले बताइन् ।

बधाई तथा सम्मान कार्यक्रममा राप्तीसोनारी वडा नम्बर ७ कांग्रेस सभापति नरसुद्दिन शेख , कांग्रेस जिल्ला सदस्य देबराज खाँड, वडा सचिव दिपु पाण्डे, कांग्रेस युवा नेता हरिशंकर पाण्डे लगायत सयौं नेता कार्यकर्ताको उपस्थिति थियो ।

प्रकाशित मिति: शनिबार, जेठ ७, २०७९ १९:४९