बझाङ दुर्घटना: मन्त्री पत्नी र भाउजुको मृत्यु, मन्त्री गम्भीर

देश/समाज

गृहपृष्ठ
देश/समाज
बझाङ दुर्घटना: मन्त्री पत्नी र भाउजुको मृत्यु, मन्त्री गम्भीर

बझाङ दुर्घटना: मन्त्री पत्नी र भाउजुको मृत्यु, मन्त्री गम्भीर

मंगलबार, असार ५, २०८० बागेश्वरी पोस्ट

नेपालगन्ज । बझाङमा भएको गाडी दुर्घटनामा दुई जनाको मृत्यु भएको छ । दुर्घटनामा सुदूरपश्चिम प्रदेशका आन्तरिक मामिला तथा कानुनमन्त्री पृथ्वीबहादुर सिंहसहित ३ जना घाइते भएका छन् ।

घाइते ३ जनालाई हेलिकप्टरबाट नेपालगञ्ज लगिएको छ । बझाङको केदारस्युँ गाउँपालिकामा भएको जीप दुर्घटनामा मन्त्री सिंहकी श्रीमती अमृतादेवी सिंह र भाउजु जयादेवी सिंहको मृत्यु भएको जिल्ला प्रहरी कार्यालय बझाङले जानकारी दिएको छ ।

आन्तरिक मामिला तथा कानुन मन्त्री सिंहसहित चालक धर्मराज जोशी र सुरक्षागार्ड दीपक भण्डारीलाई थप उपचारका लागि हेलिकप्टरमार्फत नेपालगञ्ज ल्याइएको छ । मन्त्री सिंह चढेको सुदूरपश्चिम प्रदेश ०१-००१ झ ४८० नम्बरको जीप धनगढीबाट बझाङ जाँदै गर्दा केदारस्युँ गाउँपालिकामा दुर्घटनामा परेको थियो ।