अटो दुर्घटनामा महिलाको ज्यान गयो

देश/समाज

गृहपृष्ठ
देश/समाज
अटो दुर्घटनामा महिलाको ज्यान गयो

अटो दुर्घटनामा महिलाको ज्यान गयो

बिहीबार, कात्तिक ३०, २०८० बागेश्वरी पोस्ट

नेपालगन्ज । दाङको बंगलाचुलीमा अटो दुर्घटना हुँदा एक जना महिलाको ज्यान गएको छ । दुर्घटनामा बंगलाचुली गाउँपालिका – ५ की ६५ वर्षीया भेगी बुढाको ज्यान गएको हो । दुर्घटनामा घाइते बुढाको उपचारका क्रममा नेपालगन्ज मेडिकल कलेज कोहलपुरमा ज्यान गएको जिल्ला प्रहरी कार्यालय दाङले जानकारी दिएको छ ।

बुधवार दिउँसो बंगलाचुली–५ को गुरासेनी डाँडाबाट रा १ ह ५८०५ नम्बरको अटो ब्रेक फेल भई झन्डै पाँच सय मिटर तल खसेको थियो ।

घाइतेलाई घोराहीस्थित राप्ती स्वास्थ्य विज्ञान प्रतिष्ठानमा उपचारका लागि लगिएको थियो । तर, उपचार सम्भव नभएपछि थप उपचारका लागि नेपालगन्ज मेडिकल कलेज कोहलपुरमा रिफर गरिएको थियो ।

दाङका प्रहरी प्रमुख प्रहरी उपरीक्षक (एसपी) रामबहादुर केसीले घाइते बुढाको उपचारका क्रममा गएराति ज्यान गएको जानकारी दिए ।

प्रकाशित मिति: बिहीबार, कात्तिक ३०, २०८०, १२:०७:००

प्रतिक्रिया दिनुहोस्