बस र मोटरसाइकल ठोक्किँदा कोहलपुरमा एक जनाको मृत्यु

देश/समाज

गृहपृष्ठ
देश/समाज
बस र मोटरसाइकल ठोक्किँदा कोहलपुरमा एक जनाको मृत्यु

बस र मोटरसाइकल ठोक्किँदा कोहलपुरमा एक जनाको मृत्यु

मंगलबार, फागुन १८, २०७७ बागेश्वरी पोस्ट

नेपालगञ्ज । बस र मोटरसाइकल ठोक्किँदा कोहलपुरमा एक जनाको मृत्यु भएको छ ।

कोहलपुर नगरपालिका वडा नम्बर ३ किरण नाला नजिकै भे १ ख २२३९ नम्बरको बस र भे १० प ५६१ नम्बरको मोटरसाइकल एकआपसमा ठोक्किँदा मोटरसाइकलमा सवार कोहलपुर ३ का २५ बर्षीय विरेन्द्र शाहीको मृत्यु भएको इलाका प्रहरी कार्यालय कोहलपुरले जनाएको छ । पूर्वबाट पश्चिम जाँदै गरेको बस र पश्चिमबाट पूर्व जाँदै गरेको मोटरसाइकल एक आपसमा ठोक्किएका थिए ।

दुर्घटनामा अन्य दुई जना घाइते भएका छन् । तीब्र गतिमा रहेको बसले पैदल र साइकलयात्रीलाई ठक्कर दिएको थियो । बसको ठक्करबाट साइकलयात्री बैजनाथ २ का २१ बर्षीय प्रदिप आचार्य र कोहलपुर ३ का पैदलयात्री १९ बर्षीय प्रकाश महतरा घाइते भएको प्रहरीले जनाएको छ । बस र चालकलाई नियन्त्रणमा लिइएको छ ।

दुर्घटनापछि स्थानीयले सडकमा टायर बालेर प्रदर्शन गर्दै सडक अवरुद्ध पारेका छन् ।

प्रकाशित मिति: मंगलबार, फागुन १८, २०७७, १०:०६:००