एन्फा अध्यक्षको राजिनामा माग गर्दै निवेदन दर्ता

खेलकुद

सोमबार, भदौ २५, २०८० बागेश्वरी पोस्ट

काठमाडौं । अखिल नेपाल फुटबल संघ (एन्फा) का अध्यक्ष पंकजविक्रम नेम्वाङलाई बर्खास्त गर्न माग गर्दै ४५ जना सदस्यहरुले निवेदन दर्ता गराएका छन् ।

एन्फाका पूर्वअध्यक्ष कर्माछिरिङ शेर्पाको नेतृत्वमा एन्फाका ४५ सदस्यले अध्यक्ष नेम्वाङलाई बर्खास्त गर्न माग गर्दै निवेदन दर्ता गराएका हुन् ।

एन्फा अध्यक्ष नेम्वाङबाट फुटबल क्षेत्रको विकास हुन नसक्ने भन्दै बर्खास्तगीको लागि विशेष साधारण सभाको माग गरिएको छ ।

यसैबीच नेम्वाङले बोलाएको आजको एन्फा विशेष साधारण सभा बैठक (भुर्चअल) स्थगित भएको छ ।

नेम्वाङले एन्फा नेतृत्व सम्हालेको एक वर्षमै संस्थापन इतर पक्षले राजीनामा मागेको हो । उनी आएपछि फुटबलको अवस्था झनै बिग्रदै गएको आरोप छ ।

प्रकाशित मिति: सोमबार, भदौ २५, २०८० १६:४४

प्रतिक्रिया दिनुहोस्