विश्वकप छनोट अन्तर्गत आज नेपालले जोर्डनसँग खेल्दै

खेलकुद

गृहपृष्ठ
खेलकुद
विश्वकप छनोट अन्तर्गत आज नेपालले जोर्डनसँग खेल्दै

विश्वकप छनोट अन्तर्गत आज नेपालले जोर्डनसँग खेल्दै

सोमबार, जेठ २४, २०७८ बागेश्वरी पोस्ट

नेपालगन्ज। नेपालले विश्वकप २०२२ र एसिया २०२३ को छनोट अन्तर्गत आज जोर्डनसँग फुटबल खेल्दैछ । कुवेतमा भइरहेको छनोट अन्तर्गत समूह ‘बी’ मा नेपाल सातौं खेल खेल्दै छ ।

खेल कुवेत सिटीस्थित जाबेर अल अहमद अन्तर्राष्ट्रिय स्टेडियममा नेपाली समय अनुसार आज राति ९ः४५ बजे सुरु हुनेछ ।

कोरोना महामारीले गर्दा करिब १८ महिना रोकिएको एसियाली छनोट फेरि सुरु हुँदा जोर्डनको यो पहिलो खेल हुनेछ । समूह ‘बी’ का खेलहरु न्युट्रल भेन्युको रुपमा कुवेतमा भइरहेको छ ।

नेपालले यसअघि चाइनिज ताइपेईलाई २–० ले पराजित गर्दै आत्मविश्वास बढाएको छ । एसिया कपको लागि सिधै तेस्रो चरणको छनोटमा पुग्नका लागि नेपाललाई आज जित आवश्यक छ । तर जोर्डन नेपालभन्दा बलियो टोली हो र अहिलेसम्म नेपालले जोर्डनलाई पराजित गर्न सकेको छैन ।

नेपाली प्रशिक्षक अब्दुल्लाह अलमुताइरीले जोर्डन बलियो टोली भएपनि जितकै लागि खेल्ने बताएका छन् ।

प्रकाशित मिति: सोमबार, जेठ २४, २०७८ ११:५०

प्रतिक्रिया दिनुहोस्