हुम्लामा भिरबाट लडेेर घाइते भएका बर्दियाका प्रहरी हवल्दारको मृत्यु

देश/समाज

Home
देश/समाज
हुम्लामा भिरबाट लडेेर घाइते भएका बर्दियाका प्रहरी हवल्दारको मृत्यु

हुम्लामा भिरबाट लडेेर घाइते भएका बर्दियाका प्रहरी हवल्दारको मृत्यु

शनिवार, माघ ३, २०७७ बागेश्वरी पोस्ट

सांंकेतिक तस्बिर

हुम्ला । भिरबाट खसेर घाइते भएका एक जना प्रहरी हवल्दारको मृत्यु भएको छ। हुम्लाको चङ्खेली गाउँपालिकास्थित मेल्छाम प्रहरी चौकीमा कार्यरत हवल्दार देवेन्द्र खड्काको माथिबाट खसेको ढुङ्गा छल्न खोज्दा लडेर मृत्यु भएको छ । गत पुस २८ गते सुरक्षा गस्तीमा गएको बेला माथिबाट आएको ढुङ्गा छल्न खोज्दा लडेर गम्भीर घाइते भएका प्रहरी हवल्दार खड्काको उपचारका क्रममा काठमाडौँस्थित नेपाल प्रहरी अस्पताल महाराजगञ्जमा शुक्रबार मृत्यु भएको जिल्ला प्रहरी कार्यालय हुम्लाले जनाएको छ ।बर्दिया जिल्ला घर भएका हवल्दार खड्काको गाउँपालिकाको पिप्लाङस्थित स्वास्थ्य संस्थामा उपचार हुन नसकेपछि थप उपचारका क्षेत्रीय प्रहरी अस्पताल नेपालगञ्ज बाँके हुँदै हेलिकोप्टरबाट काठमाडौँस्थित नेपाल प्रहरी अस्पताल महाराजगञ्जमा लगिएको थियो । उपचारका क्रममा उहाँको शुक्रबार मृत्यु भएको जिल्ला प्रहरी कार्यालय हुम्लाले जानकारी दिएको छ ।

प्रकाशित मिति: शनिवार, माघ ३, २०७७, १०:१२:००

प्रतिक्रिया दिनुहोस्