मलेसियामा मृत्यु भएका १८ जनाको शव नेपाल ल्याइयो

समाचार

गृहपृष्ठ
समाचार
मलेसियामा मृत्यु भएका १८ जनाको शव नेपाल ल्याइयो

मलेसियामा मृत्यु भएका १८ जनाको शव नेपाल ल्याइयो

परदेशीका शवले विमानस्थल शोकमग्न

शनिबार, माघ १०, २०७७ बागेश्वरी पोस्ट

नेपालगन्ज । बैदेशिक रोजगारीको सिलसिलामा मलेशिया पुगेर ज्यान गुमाएका १८ जना नेपालीको शव आज नेपाल ल्याइएको छ । नेपाल वायुसेवा निगमको वाइडबडी जहाजमार्फत मलेसियामा विभिन्न समयमा मृत्यु भएका १८ जनाको शव र एक जनाको अस्तुसहित १९ जनाको शव नेपाल ल्याइएको नेपाल नागरिक उड्यन प्राधिकरणका प्रवक्ता राजकुमार क्षत्रीले जानकारी दिए ।

उनले शव विमानस्थलबाटै सम्बन्धित परिवारको जिम्मा लगाइएको जानकारी दिए । विमानस्थलमा थुप्रै शव एकैपटक आउँदा विमानस्थल क्षेत्र भावबिह्वल बनेको थियो ।

शव लिन आएका अधिकांश साथीभाइ र आफन्तजनका आँखामा आँशु थामिएको थिएन । मृतकका परिवारको पीडालाई बुझेर निगमले नाफाभन्दा पनि सामाजिक उत्तरदायित्व वहन गर्ने क्रममा शव ल्याएको निगमका प्रवक्ता करिश्मा श्रेष्ठले बताइन् ।

निगमले क्वालालम्पुर गन्तव्यमा न्यारो बडी जहाजले नियमित उडान गर्दै आए पनि नेपाली कामदारको शव लिनकै लागि निगमले वाइड बडी जहाज पठाइएको जनाएको छ ।

प्रकाशित मिति: शनिबार, माघ १०, २०७७ १६:३८

प्रतिक्रिया दिनुहोस्