जीप दुर्घटनामा पाँच जना घाइते

समाचार

गृहपृष्ठ
समाचार
जीप दुर्घटनामा पाँच जना घाइते

जीप दुर्घटनामा पाँच जना घाइते

आइतबार, माघ ११, २०७७ बागेश्वरी पोस्ट

सांंकेतिक तस्बिर

पोखरा।बागलुङमा जीप दुर्घटना हुँदा पाँच जना घाइते भएका छन् । आज बिहान १० बजे बाग्लुङ नगरपालिका वडा नं. ५ स्थित मालिकामा जीप दुर्घटना भएको हो । म्याग्दीको बेनी बजारबाट बागलुङ बजारतर्फ आउँदै गरेको ग१ज ६७४४ न.को जीप दुर्घटनामा परेको गण्डकी प्रदेश प्रहरी कार्यालय पोखराले जनाएको छ । जीप सडकबाट करिब १० मिटर तल खसेको प्रहरी नायव उपरीक्षक (डिएसपी) राजकुमार थिङले बताए । दुर्घटनामा बेनी नगरपालिका वडा नं. २ गौस्वराकी वर्ष ३० की टिकाकुमारी रिजाल, ५५ की गंगा रिजाल, वर्ष ४० की कमला कुमारी रिजाल, वर्ष १६ की कुशुम रिजाल, बर्ष ४४ की भवानी खत्री खड्का रहेका छन् । उनीहरुको धवलागिरी अञ्चल अस्पताल बाग्लुङमा उपचार भइरहेको प्रहरीले जनाएको छ । दुर्घटनाको कारण खुल्न सकेको छैन । घटनाको अनुसन्धान भइरहेको प्रहरीले जनाएको छ ।

प्रकाशित मिति: आइतबार, माघ ११, २०७७ १६:३५

प्रतिक्रिया दिनुहोस्