क्षयरोगी बिरामीका लागि सामग्री सहयोग

स्वास्थ्य

गृहपृष्ठ
स्वास्थ्य
क्षयरोगी बिरामीका लागि सामग्री सहयोग

क्षयरोगी बिरामीका लागि सामग्री सहयोग

बुधबार, पुस ६, २०७९ बागेश्वरी पोस्ट

नेपालगञ्ज । विराट नेपाल मेडिकल ट्रष्टले टिबी नेपाललाई १२ लाख बराबरको सामग्री सहयोग गरेको छ । टिबी नेपालले सञ्चालन गरेको डीआरटीबी होस्टेलमा रहेका क्षयरोगी बिरामीका लागि उक्त सामग्री सहयोग गरिएको हो ।

लुम्बिनी प्रदेशका स्वास्थ्य निर्देशक विनोद गिरी, प्रदेशका स्वास्थ्य प्रयोगशाला निर्देशक रोशनलाल चौधरी, नेपालगञ्ज उपमहानगरपालिका वडा नम्बर ४ का वडाध्यक्ष गोपाल पुन, विराट नेपाल मेडिकल ट्रष्टका क्षेत्रीय प्रवन्धक गंगाराम बुढाथोकी, स्वास्थ्य कार्यालयका फोकल पर्सन मानबहादुर नेपाली लगायतले टिबी नेपालका अध्यक्ष लक्ष्मण रेग्मीलाई उक्त सामग्री हस्तास्तरण गरे ।

२० थान लोबेड, २० बेड लकर टेबुल, २० थान म्याट्रेस, २० थान सिरानी, २० थान झुल, २० थान बलाङ्केट, सय थान ज्याकेट, सय थान टोपी, २० थान हटब्याग, ८० थान पोलार बलाङ्केट, कार्पेट, शुद्ध खानेपानीका लागि वाटर प्यूरिफिकेशन जडान गरिएको विराट नेपाल मेडिकल ट्रष्टका क्षेत्रीय प्रवन्धक बुढाथोकीले जानकारी दिए ।

होस्टेलमा ३१ जना विरामी भर्ना भएका छन् भने १४ जना नियमित बसिरहेको टिबी नेपालका कार्यक्रम संयोजक हिक्मत खड्काले जानकारी दिए ।

प्रकाशित मिति: बुधबार, पुस ६, २०७९ १३:१२

प्रतिक्रिया दिनुहोस्