खजुरामा पनि देखियो दादुरा, नेपालगञ्जका १२५८ बालबालिकालाई खोप

स्वास्थ्य

गृहपृष्ठ
स्वास्थ्य
खजुरामा पनि देखियो दादुरा, नेपालगञ्जका १२५८ बालबालिकालाई खोप

खजुरामा पनि देखियो दादुरा, नेपालगञ्जका १२५८ बालबालिकालाई खोप

आइतबार, पुस २४, २०७९ बागेश्वरी पोस्ट

नेपालगञ्ज । बाँकेको खजुरामा पनि दादुराका बिरामी भेटिएका छन् ।

नेपालगञ्जमा दादुराको प्रकोप बढेका बेला खजुरा गाउँपालिकामा समेत संक्रमण देखिएको हो । खजुरा गाउँपालिकामा दुई जनामा दादुरा देखिएको स्वास्थ्य कार्यालय बाँकेका खोप फोकलपर्सन नरेश श्रेष्ठले जानकारी दिए । नेपालगञ्जमा भने संक्रमण बढ्दो छ । नेपालगञ्जमा हालसम्म ७६ जना दादुरा संक्रमित बालबालिका भेटिएको नेपालगञ्ज उपमहानगरपालिकाका जनस्वास्थ्य निरीक्षक जागेश्वर बस्नेतले बताए ।

नेपालगञ्जमा अहिले खोप लगाउने काम भइरहेको छ । खोप अभियान सुरु भएको दुई दिनमा नेपालगञ्जका वडा नम्बर ५, ७ र ८ का १२५८ बालबालिकालाई दादुरा-रुबेला विरुद्धको खोप लगाइएको नेपालगञ्ज उपमहाानगरपालिका स्वास्थ्य निरीक्षक तेज वलीले जानकारी दिए ।

प्रकाशित मिति: आइतबार, पुस २४, २०७९ ११:२४