बाँकेमा दादुराका ७८ विरामी फेला, तीन दिनमा १७२० बालबालिकालाई खोप

स्वास्थ्य

गृहपृष्ठ
स्वास्थ्य
बाँकेमा दादुराका ७८ विरामी फेला, तीन दिनमा १७२० बालबालिकालाई खोप

बाँकेमा दादुराका ७८ विरामी फेला, तीन दिनमा १७२० बालबालिकालाई खोप

आइतबार, पुस २४, २०७९ बागेश्वरी पोस्ट

नेपालगञ्ज । बाँकेमा हालसम्म दादुराका ७८ विरामी फेला परेका छन् । नेपालगञ्जमा ७६ र खजुरामा २ जना विरामी भेटिएका हुन् । नेपालगञ्जका एक जना अढाई बर्षीय बालकको ज्यान गएको छ । नेपालगञ्जमा पुस १३ गते दादुरा भेटिएको थियो ।

नेपालगञ्जमा महामारीकै रुपमा दादुराको प्रकोप देखिएपछि अहिले खोप लगाउने काम भइरहेको छ । खोप अभियान सुरु भएको तीन दिनमा नेपालगञ्जका वडा नम्बर ५, ७ र ८ का १७२० बालबालिकालाई दादुरा-रुबेला विरुद्धको खोप लगाइएको नेपालगञ्ज उपमहाानगरपालिका जनस्वास्थ्य निरीक्षक जागेश्वर बस्नेतले जानकारी दिए । आज तेस्रो दिन ४६२ जनालाई खोप लगाइएको हो ।

नेपालगञ्जका १० वटा वडामा दादुरा भेटिएको छ । आज थप १३ नयाँ केश भेटिएको स्वास्थ्य महाशाखा प्रमुख रामबहादुर चन्दले बताए । १, ५, ७, ८, ९, १०, ११, १४, १५ र २२ नम्बर वडामा दादुराका विरामी भेटिएका छन् । दादुराको रोकथाम र नियन्त्रणका लागि अभियानकै रुपमा खोप अभियान सञ्चालन गरिएको स्वास्थ्य कार्यालय बाँकेका खोप फोकलपर्सन नरेश श्रेष्ठले बताए । ६ महिनादेखि १५ बर्षसम्मका बालबालिकालाई दादुरा-रुबेला विरुद्धको खोप लगाइएको उनले बताए ।

प्रकाशित मिति: आइतबार, पुस २४, २०७९ २०:४२