दादुरा फैलिएको नेपालगञ्जमा आज १६ स्थानमा खोप लगाइँदै

स्वास्थ्य

गृहपृष्ठ
स्वास्थ्य
दादुरा फैलिएको नेपालगञ्जमा आज १६ स्थानमा खोप लगाइँदै

दादुरा फैलिएको नेपालगञ्जमा आज १६ स्थानमा खोप लगाइँदै

सोमबार, माघ २, २०७९ बागेश्वरी पोस्ट

नेपालगञ्ज । दादुरा फैलिएको नेपालगञ्जमा आज १६ स्थानमा खोप लगाइँदैछ । नेपालगञ्ज उपमहानगरपालिका अन्तर्गत १६ वडामा १६ वटा खोप केन्द्रमार्फत खोप लगाइरहेको स्वास्थ्य कार्यालय बाँकेका खोप फोकल पर्सन नरेश श्रेष्ठले बताए ।

श्रेष्ठका अनुसार यहाँका २३ वडा मध्ये बाँकी ७ वटा वडाका खोप लगाउन छुट बालबालिकाहरूलाई समेत वडाका स्वास्थ्यकर्मीमार्फत 'खोज र खोप अभियान' सञ्चालनमार्फत ६ महिनादेखि १५ बर्षसम्मका बालबालिकाहरुलाई दादुरा-रुबेला विरुद्धको खोप सेवा प्रदान गरिँदैछ । यस अभियानका लागि आवश्यक भ्याक्सिन र सामग्री सम्बन्धित खोप केन्द्रमा पठाइएको छ ।

हालसम्म नेपालगञ्जका १७५७० बालबालिकालाई दादुरा-रुबेला विरुद्धको खोप लगाइएको नेपालगञ्ज उपमहानगरपालिकाका खोप फोकल पर्सन जागेश्वर बस्नेतले बताए । आज वडा नम्बर २, ३, ६, ९, १०, ११, १२, १३, १६, १७, १८, १९, २०, २१, २२ र २३ मा भोली खोप लगाइरहेको उनले जानकारी दिए ।

पुस १२ गतेयता फैलिएको दादुराबाट हालसम्म बाँकेमा १९२ जना संक्रमित भइसकेका छन् । यी मध्ये नेपालगञ्जका मात्रै १८८ जना रहेको जिल्ला स्वास्थ्य कार्यालय बाँकेका खोप फोकल पर्सन श्रेष्ठेले बताए । खजुराका ३ र कोहलपुरका १ जना छन् ।

संक्रमित मध्ये १३४ जना निको भइसकेका छन् । ५७ जना भने होम आइसोलेसनमा रहेको श्रेष्ठले जानकारी दिए । एक जनाको भने मृत्यु भइसकेको छ ।

प्रकाशित मिति: सोमबार, माघ २, २०७९ १०:२५

प्रतिक्रिया दिनुहोस्