नेपालगञ्जमा दादुराका विरामी २१५, १९१ जना निको

स्वास्थ्य

गृहपृष्ठ
स्वास्थ्य
नेपालगञ्जमा दादुराका विरामी २१५, १९१ जना निको

नेपालगञ्जमा दादुराका विरामी २१५, १९१ जना निको

सोमबार, माघ ९, २०७९ बागेश्वरी पोस्ट

नेपालगञ्ज । नेपालगञ्जमा दादुरा संक्रमितको संख्या २१५ पुगेको छ । आज थप १० जना विरामी भेटिएका छन् । नेपालगञ्जमा पहिलोपटक पुस १२ गते दादुरा देखिएको थियो ।

समुदायस्तरमा दादुराका विरामी भेटिएपछि पुस २२ गतेदेखि सुरु गरिएको दादुरा-रुबेला खोप अभियानको लक्ष्य पूरा भइसकेको छ । ६ महिनादेखि १५ बर्षसम्मका बालबालिकालाई खोप लगाइएको हो । नेपालगञ्जमा लक्ष्य भन्दा बढी १०४.४७ प्रतिशतलाई खोप लगाइएको छ । ४४८९७ जनालाई दादुरा-रुबेला खोप लगाइएको खोप फोकल पर्सन बस्नेतले जानकारी दिए । यहाँ लक्ष्य पूरा भइसकेकाले अब २३ वटै वडाका नियमित मासिक खोप केन्द्रहरुमार्फत खोप लगाइनेछ ।

हालसम्म १९१ जना विरामी निको भएको नेपालगञ्ज उपमहानगरपालिका स्वास्थ्य महाशाखाका जनस्वास्थ्य निरीक्षक जागेश्वर बस्नेतले जानकारी दिए । २३ जना विरामी होम आइसोलेसनमा रहेको बस्नेतले बताए । दादुरा प्रभावित वडा नम्बर ५ का एक बालकको ज्यान गइसकेको छ ।

प्रकाशित मिति: सोमबार, माघ ९, २०७९ २०:०२