सुर्खेतमा पनि दादुरा संक्रमण देखियो

स्वास्थ्य

गृहपृष्ठ
स्वास्थ्य
सुर्खेतमा पनि दादुरा संक्रमण देखियो

सुर्खेतमा पनि दादुरा संक्रमण देखियो

बिहीबार, माघ १२, २०७९ बागेश्वरी पोस्ट

नेपालगन्ज । बाँकेबाट दादुरको सङ्क्रमण तीव्र भइहहेका बेला सुर्खेतमा पनि सङ्क्रमण देखिएको छ । सुर्खेतमा पाँच जनामा दादुरा सङ्क्रमण पुष्टि भएको छ । तीन पालिकाका ५ जनामा दादुरा सङ्क्रमण पुष्टि भएको हो ।

अहिले वीरेन्द्रनगरमा ३, गुर्भाकोट र चिङ्गाड गाउँपालिकामा १–१ जनामा दादुरा सङ्क्रमण देखिएको प्रदेश स्वास्थ्य निर्देशनालयका सूचना अधिकारी पदमबहादुर केसीले जानकारी दिएका छन् ।

दादुरासँग मिल्दोजुल्दो लक्षण भएका बिरामी देखिएपछि परीक्षण गर्दा दादुरा पुष्टि भएको केसीको भनाइ छ । दादुराका बिरामी भेटिएपछि प्रदेश स्वास्थ्य निर्देशनालय सुर्खेतले अहिले विभिन्न ठाँउमा परीक्षण र खोप अभियानलाई तीव्रता दिएको छ ।

सुर्खेतमा पनि सङ्क्रमण देखिएकाले सतर्कता अपाउन उनले सुझाव दिएका छन् ।

प्रकाशित मिति: बिहीबार, माघ १२, २०७९ ११:३४