नर्सलाई न्युनतम मापदण्ड अनुसार तलब नदिए कारबाही गर्छु: मन्त्री गिरी

स्वास्थ्य

गृहपृष्ठ
स्वास्थ्य
नर्सलाई न्युनतम मापदण्ड अनुसार तलब नदिए कारबाही गर्छु: मन्त्री गिरी

नर्सलाई न्युनतम मापदण्ड अनुसार तलब नदिए कारबाही गर्छु: मन्त्री गिरी

आइतबार, माघ १५, २०७९ बागेश्वरी पोस्ट

नेपालगन्ज । सरकारले बनाएको मापदण्ड अनुसार नर्सहरुलाई न्यूनतम पारिश्रमिक नदिने निजी अस्पताललाई कारबाही गर्ने स्वास्थ्य तथा जनसंख्यामन्त्री पदम गिरीले चेतावनी दिएका छन् ।

आज नेपाल नर्सिङ संघको ६१औं वार्षिक उत्सव कार्यक्रमका अवसरमा बोल्दै मन्त्री गिरीले नर्सहरुलाई मासिक ८/१० हजारमा पनि निजी क्षेत्रका अस्पतालहरुले काम गराउँदै आएको कहालीलाग्दो अवस्था सुनेको हुँदा त्यो सँग सम्बन्धित प्रमाण खोज्न छिटै आफैं अनुगमन गर्ने बताए ।

न्यूनतम पारिश्रमिक पनि नदिई नर्सहरुलाई काममा लगाए आफुलाई मान्य नहुने बताउँदै मन्त्री गिरीले त्यस्ता निजी अस्पतालको अनुगमन गरी कारबाही गर्ने बताएका हुन् ।

सरकारले तोकेको मापदण्ड अनुसार पारिश्रमिक दिएर काम गराउन सबै निजी अस्पतालहरुलाई मन्त्री गिरीले निर्देशन दिएका हुन् ।

प्रकाशित मिति: आइतबार, माघ १५, २०७९ १६:३२