उपचार नपाएपछि बिरामीहरुले गरे अस्पतालमै प्रदर्शन

स्वास्थ्य

गृहपृष्ठ
स्वास्थ्य
उपचार नपाएपछि बिरामीहरुले गरे अस्पतालमै प्रदर्शन

उपचार नपाएपछि बिरामीहरुले गरे अस्पतालमै प्रदर्शन

आइतबार, माघ २९, २०७९ बागेश्वरी पोस्ट

नेपालगन्ज । माघ २७ गते राष्ट्रपति विद्यादेवी भण्डारीको सवारीका क्रममा ट्रमा सेन्टरका एक चिकित्सकलाई सुरक्षाकर्मीले बाटोमा हिंडेको निहुँमा लाठी चार्ज गरेर घाइते बनाएको भन्दै चिकित्सकहरु आन्दोलनमा उत्रिएर सेवा बन्द गर्दा बिरामीहरू कठिनाइमा परेका छन् ।

आकस्मिक सेवा सञ्चालनमा रहे पनि ओपिडी बन्द हुँदा उपचारका लागि अस्पताल गएका बिरामीहरू कठिनाइमा परेका हुन् । संघले आज एक दिन देशभरका स्वास्थ्य संस्थामा आकस्मिक बाहेकका सेवा बन्द गर्ने निर्णय गरेसँगै चिकित्सकहरु आन्दोलनमा छन् ।

उपचार नपाएपछि वीर अस्पतालमा ओपिडी सेवा लिन आएका बिरामी तथा भर्ना भएका बिरामीका आफन्त आन्दोलनमा उत्रिएका छन् । भर्ना भएका बिरामीहरुको डाक्टरहरूले उपचार नगरेपछि बाहिर बिरामीका आफन्त प्रदर्शनमा उत्रिएका हुन् । उनीहरुले उपचार सेवा तत्काल दिनुपर्ने भन्दै आन्दोलनमा उत्रिएका हुन् ।

आफ्ना बिरामीको उपचार गर्नुपर्ने माग गर्दै उनीहरूले सडकमा प्रदर्शन गरेका हुन् । स्वास्थ्य मन्त्रालय चिकित्सक संघलाई सेवामा फर्कन आग्रह गरेपनि चिकित्सकहरु आन्दोलनमै छन् । आकस्मिक बाहेक सबै सेवा बन्द गरेपछि देशभरका सबै अस्पतालमा बिरामी मर्कामा परेका छन् ।

प्रकाशित मिति: आइतबार, माघ २९, २०७९ ११:५१

प्रतिक्रिया दिनुहोस्