हात्तीपाइलेको औषधि सेवनदर बढाउन जानकीमा अभिमुखीकरण, फागुन ११ देखि खुवाइने

स्वास्थ्य

गृहपृष्ठ
स्वास्थ्य
हात्तीपाइलेको औषधि सेवनदर बढाउन जानकीमा अभिमुखीकरण, फागुन ११ देखि खुवाइने

हात्तीपाइलेको औषधि सेवनदर बढाउन जानकीमा अभिमुखीकरण, फागुन ११ देखि खुवाइने

आइतबार, माघ २९, २०७९ बागेश्वरी पोस्ट

जानकी (बाँके) । हात्तीपाइले रोग विरुद्धको औषधि सेवनदर बढाउन जानकी गाउँपालिकामा अभिमुखीकरण कार्यक्रम गरिएको छ ।

राष्ट्रिय हात्तीपाइले (फाइलेरिया) रोग निवारण अभियान २०७९ अन्तर्गत जानकी गाउँपालिका स्तरीय आम औषधि सेवन सम्बन्धि अभिमुखीकरण कार्यक्रम गरिएको हो । स्वास्थ्य शाखाको आयोजनामा कार्यक्रम गरिएको हो ।

जानकी गाउँपालिकाका अध्यक्ष छब्बन खाँको अध्यक्षतामा भएको कार्यक्रममा प्रमुख प्रशासकीय अधिकृत सिंहराज डाँगी, वडा अध्यक्षहरु, सामाजिक विकास तथा शिक्षा, स्वास्थ्य संयोजक रामआँचल धोवी, कार्यपालिका सदस्यहरु, स्वास्थ्य संस्थाका इन्चार्जहरुको समेत उपस्थिति रहेको थियो । जिल्ला स्वास्थ्य कार्यालयकी फोकल पर्सन दुर्गा गौतमले हात्तीपाइले रोग निवारण सम्बन्धि प्रतिवेदन प्रस्तुत गरेकी थिइन् ।

कार्यक्रममा स्वास्थ्य शाखा प्रमुख दल बहादुर रानाले फागुन ११ देखि २ बर्षमाथिका सम्पूर्णलाई औषधि खुवाइने बताए । गर्भवती महिला, सुत्केरी भएको सात दिनसम्म, विरामीहरुले औषधि खान नहुने उनले बताए । औषधि खाना खाइसकेपछि औषधि खानुपर्ने रानाको भनाई छ । गत बर्ष जानकीमा हात्तीपाइले रोग विरुद्धको औषधि कभरेज बाँके जिल्लामै सबैभन्दा बढी भएको उनले बताए ।

प्रकाशित मिति: आइतबार, माघ २९, २०७९ १९:२५

प्रतिक्रिया दिनुहोस्