सांसद भण्डारीलाई थप उपचारका लागि श्रीएयरलाइन्सबाट मुम्बई लैजाने तयारी

स्वास्थ्य

गृहपृष्ठ
स्वास्थ्य
सांसद भण्डारीलाई थप उपचारका लागि श्रीएयरलाइन्सबाट मुम्बई लैजाने तयारी

सांसद भण्डारीलाई थप उपचारका लागि श्रीएयरलाइन्सबाट मुम्बई लैजाने तयारी

बिहीबार, फागुन ४, २०७९ बागेश्वरी पोस्ट

फाइल फोटो

नेपालगन्ज । ग्यास सिलिण्डर विष्फोट हुँदा जलेर गम्भीर भएका नेपाली कांग्रेसका सांसद डा.चन्द्र भण्डारीलाई थप उपचारका लागि भारतको मुम्बईस्थित नेशनल बर्न सेन्टरमा लगिँदैछ । उनलाई श्रीएयरलाइन्स विमान चार्टर्ड गरेर लैजाने तयारी पूरा भएको हो ।

घरमा ग्यास सिलिन्डर विस्फोट हुँदा गम्भीर घाइते भएका नेपाली कांग्रेसका नेता तथा गुल्मी क्षेत्र नं १ का सांसद डा. भण्डारीलाई थप उपचारका लागि भारत लैजाने तयारी भइरहेको छ ।

काठमाडौं बुद्धनगरस्थित घरमा गएराति साढे १० बजे भएको विस्फोटमा परेर जलेका आमाछोराको उपचार अहिले कीर्तिपुर बर्न अस्पतालमा भइरहेको छ ।

२५ प्रतिशत शरीर जलेका चन्द्रको आइसियुमा उपचार भइरहेको छ । आमाको ७० प्रतिशत शरीर जलेकाले अवस्था गम्भीर रहेको छ । तर, उनकी आमालाई आईसियुबाट बाहिर निकाल्ने अवस्था नभएकोले यहीँ उपचार गरिने भएको हो ।

प्रकाशित मिति: बिहीबार, फागुन ४, २०७९ ११:२१