सांसद भण्डारीलाई श्री एयरलाइन्सबाट थप उपचारका लागि भारतको मुम्बई लगियो

स्वास्थ्य

गृहपृष्ठ
स्वास्थ्य
सांसद भण्डारीलाई श्री एयरलाइन्सबाट थप उपचारका लागि भारतको मुम्बई लगियो

सांसद भण्डारीलाई श्री एयरलाइन्सबाट थप उपचारका लागि भारतको मुम्बई लगियो

बिहीबार, फागुन ४, २०७९ बागेश्वरी पोस्ट

नेपालगन्ज । ग्यास सिलिन्डर विस्फोटमा गम्भीर घाइते भएका नेपाली कांग्रेसका सांसद चन्द्र भण्डारीलाई थप उपचारका लागि मुम्बई पठाइएको छ ।

विस्फोटमा गम्भीर घाइते भएका भण्डारीको कीर्तिपुर बर्न अस्पतालको सुझावमा मुम्बईस्थित नेसनल बर्न अस्पताल पठाइएको हो । भण्डारीलाई श्री एयरलाइन्सको एयर एम्बुलेन्समार्फत आज दिउँसो ३ बजे मुम्बई लगिएको हो ।

एयर एम्बुलेन्समा भण्डारीसँगै ७ जना चिकित्सकको टोली पनि गएका छन् । चिकित्सकको टोलीमा डा.प्रदीप तिवारी, डा.वृहस्पति, डा.प्रदीप शर्मा, डा.रोशन शर्मा, दिनेश राई, सागर महर्जन र राज तामाङ रहेको बताइएको छ ।

गएराति बुद्धनगरस्थित निवासमा ग्यास सिलिन्डर विस्फोट हुँदा सांसद भण्डारी र उनकी आमा हरिकला घाइते भएका थिए । ७० प्रतिशत भन्दा बढी शरीरको जलन भएको उनकी आमाको उपचारको क्रममा कीर्तिपुर अस्पतालमा आज बिहान निधन भएको हो ।

प्रकाशित मिति: बिहीबार, फागुन ४, २०७९ १५:४२

प्रतिक्रिया दिनुहोस्