सांसद भण्डारीको स्वास्थ्यमा सुधार, मुखबाटै खाना खुवाउन थालियो

स्वास्थ्य

गृहपृष्ठ
स्वास्थ्य
सांसद भण्डारीको स्वास्थ्यमा सुधार, मुखबाटै खाना खुवाउन थालियो

सांसद भण्डारीको स्वास्थ्यमा सुधार, मुखबाटै खाना खुवाउन थालियो

बुधबार, फागुन १०, २०७९ बागेश्वरी पोस्ट

नेपालगन्ज । ग्यास सिलिन्डर विस्फोटमा गम्भीर घाइते भएका नेपाली कांग्रेसका सांसद डा.चन्द्र भण्डारीलाई मुखबाट खाना खुवाउन थालिएको छ ।

विस्फोटमा गम्भीर घाइते भएका भण्डारीको मुम्बईस्थित नेसनल बर्नस् अस्पताल उपचार भइरहेको छ । सांसद भण्डारीले दोहोरो संवाद गरिरहेका र उपचारबारे आफैंले जानकारी लिइरहेका छन् ।

उनलाई भेन्टिलेटर हटाएर नर्मल मास्कबाट न्यूनरुपमा अक्सिजन दिइएको छ । हल्का ईन्फेक्सनको उपचार भइरहेको र ज्वरो आएको नआएको जानकारी दिएका उनले उच्च ईन्फेक्सन नहोस् भनेर अस्पतालले भेटघाट गर्न दिएको छैन ।

सांसद भण्डारीको अन्य स्वास्थ्य प्यारामिटर नर्मल रहेको छ । सोही घटनामा परेर सांसद भण्डारीकी आमा हरिकला भण्डारीको भने बिहीबार नै उपचारका क्रममा कीर्तिपुरमा निधन भएको थियो ।

प्रकाशित मिति: बुधबार, फागुन १०, २०७९ १३:४०

प्रतिक्रिया दिनुहोस्