फत्तेबाल आँखा अस्पतालले अन्धोपन निवारणका लागि सेवा विस्तार गर्ने

स्वास्थ्य

गृहपृष्ठ
स्वास्थ्य
फत्तेबाल आँखा अस्पतालले अन्धोपन निवारणका लागि सेवा विस्तार गर्ने

फत्तेबाल आँखा अस्पतालले अन्धोपन निवारणका लागि सेवा विस्तार गर्ने

आइतबार, फागुन २८, २०७९ बागेश्वरी पोस्ट

नेपालगञ्ज । फत्तेबाल आँखा अस्पतालले अन्धोपन निवारणका लागि सेवा विस्तार गर्ने जनाएको छ । नेपाल नेत्र ज्योति संघ बाँके शाखाको शनिवार सम्पन्न २९औं जिल्ला सभामा अस्पतालले थप विशेषज्ञता सेवा प्रदान गर्ने प्रतिवद्धता व्यक्त गरेको हो ।

नेपाल नेत्र ज्योति संघ बाँकेद् ३६ वर्ष अघि स्थापित अस्पतालले अन्धोपन निवारणका लागि उपचार लगायत सेवा प्रदान गर्दै आएको छ । जिल्ला सभामा वार्षिक प्रतिवेदन प्रस्तुत गर्दै संघकी सचिव शान्ति श्रेष्ठले अहिलेसम्म २५ लाख बढीलाई सेवा प्रदान गरिएको भन्दै भावी कार्यक्रम र योजनाबारे पनि जानकारी दिए । नेपाल नेत्रज्योति संघ बाँके शाखाका सभापति रतन कुमार टण्डनले भौतिक विकासँगै समयसापेक्ष चिकित्सा सेवा पनि विस्तार गरिने विश्वास दिलाए ।

अस्पतालका प्रबन्ध निर्देशक डा. कौशल कुमार बर्माले अन्धोपन न्यूनीकरणका लागि निवारणात्मक, प्रवद्र्धनात्मक र उपचारात्मक सेवालाई सँगै लगिने प्रतिवद्धता व्यक्त गरे । अस्पतालले सर्जिकल रेटिना, कर्निया, ग्लुकोमा लगायतका सेवा शुरु गर्ने जनाएको छ । बाँकेका प्रमुख जिल्ला अधिकारी विपिन आचार्यले अस्पतालले सम्वद्ध निकाय र स्थानीय सरकारसँगको समन्वय र सहकार्यमा थप सेवा प्रवाह गर्न सुझाव दिए ।

नेपालगञ्ज उपमहानगरपालिकाका नगर प्रमुख प्रशान्त विष्टले आँखा अस्पतालसँगको सहकार्यमा उपमहानगरपालिकामा निःशुल्क आँखा शिविर शुरु गरिएको भन्दै थप प्रभावकारी बनाइने बताए । सभामा नेपाल रेडक्रस सोसाइटी शाखाका सभापति गोवद्र्धन सिंह सम्झना, दानवीर जयकेश सिंह, काँग्रेस बाँके सचिव सुधान्शु कोइराला, नेकपा माओवादी केन्द्रका प्रतिनिधि प्रेम शाह लगायतले अस्पतालको सेवा, प्रगतिको प्रशंसा गरेका थिए । अस्पतालका लेखा अधिकृत जीत बहादुर थारुद्वारा सञ्चालन गरिएको कार्यक्रमको स्वागत मन्तव्य केशवराम बर्माले गरेका थिए ।

प्रकाशित मिति: आइतबार, फागुन २८, २०७९ ११:३४

प्रतिक्रिया दिनुहोस्