कोठामा लागेको आगोले निसास्सिएर दाङमा एक महिलाको मृत्यु

स्वास्थ्य

गृहपृष्ठ
स्वास्थ्य
कोठामा लागेको आगोले निसास्सिएर दाङमा एक महिलाको मृत्यु

कोठामा लागेको आगोले निसास्सिएर दाङमा एक महिलाको मृत्यु

शुक्रबार, चैत ३, २०७९ बागेश्वरी पोस्ट

सांकेतिक तस्बिर

नेपालगन्ज । दाङमा एउटा घरको कोठामा लागेको आगोबाट एक जना महिलाको निसास्सिएर मृत्यु भएको छ । कोठामा आगो लागेपछि निसास्सिएर दंगीशरण गाउँपालिका वडा नं. ५ देबीगञ्जकी ४० बर्षीया पार्वती घर्तीको मृत्यु भएको प्रहरीले जानकारी दिएको छ ।

एक कोठे जस्ता पाताले छाएको घरमा सानो भेन्टिलेसन मात्रै रहेको र सुत्ने शिरक डसना आगो लागेको अवस्थामा फेला परेको हुँदा त्यही धुवाँका कारण निसास्सिएर मुत्यु भएको हुन सक्ने अनुमान प्रहरीले गरेको छ ।

मृतक घर्तीको घर गाउँ भन्दा झन्डै एक डेढसय मिटर टाढा एकान्त स्थलमा रहेको र उनी एक्लै बस्दै आएको प्रहरीले बताएको छ । मृतकको शब तुलसीपुरस्थित राप्ती प्रादेशिक अस्पतालमा राखिएको छ । उनका आफन्तहरु आउने क्रममै रहेकोले आएपछि पोस्टमार्टम गरिने प्रहरीले जनाएको छ ।

प्रकाशित मिति: शुक्रबार, चैत ३, २०७९ १५:४९

प्रतिक्रिया दिनुहोस्