नेपालगञ्जमा खोप छुट बालबालिकालाई खोप लगाउन सुरु

स्वास्थ्य

गृहपृष्ठ
स्वास्थ्य
नेपालगञ्जमा खोप छुट बालबालिकालाई खोप लगाउन सुरु

नेपालगञ्जमा खोप छुट बालबालिकालाई खोप लगाउन सुरु

पहिलो दिन अहिलेसम्म कुनै खोप नलगाएका २० जनाले खोप लिए

बुधबार, वैशाख ६, २०८० बागेश्वरी पोस्ट

नेपालगञ्ज । नेपालगञ्जमा खोप लगाउन छुटेका बालबालिकाहरुलाई आजदेखि खोप लगाउन सुरु गरिएको छ । १६ महिनादेखि ५९ महिनासम्मका खोप लगाउन छुटेका बालबालिकाहरुलाई घरधुरी सर्वेक्षणमार्फत खोजेर आजदेखि खोप लगाउन सुरु गरिएको हो ।

आज पहिलो दिन अहिलेसम्म कुनै पनि खोप नपाएका १६ देखि ५९ महिनाका २० जना बालबालिकाहरुलाई खोप लगाइएको नेपालगञ्ज उपमहानगरपालिका स्वास्थ्य महाशाखाका निमित्त प्रमुख जागेश्वर बस्नेतले बताए । यस्तै आजै आंशिक खोप छुटेका ६० जना बालबालिकाले पनि नियमित खोपमै गएर खोप सेवा लिएको बस्नेतले जानकारी दिए । नेपालगञ्जमा खोप लगाउन छुटेका बालबालिकाहरुलाई घर–घरमा पुगेर खोजी गरिएको छ । बैशाखको अन्तिममा पूर्ण खोप सुनिश्चितता तथा दिगोपना घोषणाका लागि खोप लगाउन छुटेका बालबालिकाहरुलाई घर–घरमा पुगेर खोजिएको हो ।

नेपालगञ्ज उपमहानगरपालिकाका २३ वटै वडामा स्वास्थ्यकर्मी र महिला स्वास्थ्य स्वयंसेविका परिचालन गरेर ‘खोज र खोप’ अभियान सञ्चालन गरिएको बस्नेतले बताए । ‘खोज र खोप अभियानलाई प्रभावकारी बनाउन वडा–वडामा कार्यशाला गोष्ठी ग¥यौं, पूर्ण खोप सुनिश्चितता र दिगोपनामा निरन्तरताका लागि कार्ययोजना तयार गरेर स्वास्थ्यकर्मी र महिला स्वास्थ्य स्वयंसेविकालाई वडा–वडामा खटाएका थियौं, चैत मसान्तसम्ममा खोप नलगाएका बालबालिकाहरुको लाइन लिष्टिङ गरेका छौं, उनीहरुलाई आजदेखि खोप लगाउन थालेका हौं,” बस्नेतले भने ।

प्रकाशित मिति: बुधबार, वैशाख ६, २०८० २१:१५

प्रतिक्रिया दिनुहोस्