नेपालगञ्जमा बैशाख ८ र ९ गते भिटामिन 'ए' खुवाइने

स्वास्थ्य

गृहपृष्ठ
स्वास्थ्य
नेपालगञ्जमा बैशाख ८ र ९ गते भिटामिन 'ए' खुवाइने

नेपालगञ्जमा बैशाख ८ र ९ गते भिटामिन 'ए' खुवाइने

बिहीबार, वैशाख ७, २०८० बागेश्वरी पोस्ट

नेपालगञ्ज । नेपालगञ्ज उपमहानगरपालिकामा भोलिदेखि भिटामिन 'ए' खुवाइने भएको छ ।

राष्ट्रिय भिटामिन 'ए' अभियान अन्तर्गत बैशाख ८ र ९ गते दुई दिन उपमहानगरपालिकाका सम्पूर्ण बालबालिकाहरुलाई भिटामिन 'ए' खुवाउन लागिएको स्वास्थ्य महाशाखाका निमित्त प्रमुख जागेश्वर बस्नेतले बताए । यसअघि बैशाख ६ र ७ खुवाउने भनिएकोमा अन्तिम समयमा आएर स्थगित गरिएको थियो । ६ महिनादेखि ५९ महिनासम्मका बालबालिकालाई भिटामिन ए खुवाइने बस्नेतले बताए ।

लुम्बिनी प्रदेश स्वास्थ्य निर्देशनालयले यसअघि आएको भिटामिन 'ए' प्रयोग नगर्न पत्राचार गरेपछि अभियान स्थगित गरिएको थियो । निर्देशनालयले स्वास्थ्य कार्यालयमार्फत भिटामिन 'ए' पठाइसकेकाले नेपालगञ्जमा बैशाख ८ र ९ गते भिटामिन 'ए' खुवाउन भनिएको नेपालगञ्ज उपमहानगरपालिकाका प्रमुख प्रशासकीय अधिकृत शिवप्रसाद रिजालले बताए । नेपालगञ्जका २३ वटै वडामा एकसाथ भिटामिन 'ए' खुवाइनेछ ।

No description available.

भिटामिन ‘ए’ क्याप्सुल गुणस्तरहीन भएको पाइएपछि लुम्विनी प्रदेश स्वास्थ्य मन्त्रालय प्रदेश स्वास्थ्य निर्देशनालयले राष्ट्रिय भिटामिन 'ए' अभियानको पूर्व सन्ध्यामा आफैं भिटामिन ‘ए’ अभियान स्थगित गरेको हो ।

प्रकाशित मिति: बिहीबार, वैशाख ७, २०८० १७:०३

प्रतिक्रिया दिनुहोस्