तराईमा अत्यावश्यक काम बाहेक दिउँसो घरबाट ननिस्कन मन्त्रालयको आग्रह

स्वास्थ्य

गृहपृष्ठ
स्वास्थ्य
तराईमा अत्यावश्यक काम बाहेक दिउँसो घरबाट ननिस्कन मन्त्रालयको आग्रह

तराईमा अत्यावश्यक काम बाहेक दिउँसो घरबाट ननिस्कन मन्त्रालयको आग्रह

शुक्रबार, वैशाख ८, २०८० बागेश्वरी पोस्ट

नेपालगन्ज । तराईमा वैशाख महिनामै अत्याधिक गर्मी बढेको छ । गर्मी बढेसँगै ‘लु’ बाट बच्न स्वास्थ्य तथा जनसङ्ख्या मन्त्रालयले दिउँसो घरबाट बाहिर ननिस्कन सम्बन्धित सबैमा आग्रह गरेको छ ।

तापक्रम बढेसँगै तराईका जिल्लामा तातो हावासँगै 'लु' चल्ने सक्ने भएकाले बच्न सबैलाई आग्रह गरेका छन् ।

मन्त्रालयले दिउँसो घरबाट बाहिर ननिस्कन, बाहिर निस्कन परे पातलो कपडाले टाउको छोप्ने वा छाता ओढ्न, फलफूलको रस र पानी पिउन तथा धेरै पसिना आएमा जीवनजल खाना आग्रह गरेको छ ।

यस्तै, चिसो पानीमा नुहाउन, चिया, कफी, सोडा जस्ता पेय पदार्थ नखान, खेतबारीमा कामकाज सकभर बिहान वा बेलुका गर्न, मदिरा सेवन नगर्न र चिनीको मात्रा बढी भएको झोल पदार्थ पनि नखान मन्त्रालयले आग्रह गरेको छ ।

तातो हावा वा तथा 'लु'ले हृदयको गति तीव्र बनाउने, श्वासप्रश्वास र रक्तचाप कम हुने, शरीरबाट पसिना ननिस्कने, टाउको अत्यधिक दुख्ने, चक्कर लाग्ने र अचेत हुने जस्ता समस्या देखा पर्दछन् ।

यस्तै, शरीरको तापक्रम १०४ डिग्री फरेनहाइटभन्दा बढी हुने, छाला सुख्खा, रातो र तातो हुने गर्दछ । तराईका जिल्ला मध्ये बाँकेमा अत्याधिक गर्मी हुँदा त्यहाँका वासिन्दाहरु अझ सचेत रहनुपर्ने मन्त्रालयले आग्रह गरेको छ ।

प्रकाशित मिति: शुक्रबार, वैशाख ८, २०८० ०७:४३

प्रतिक्रिया दिनुहोस्