अर्घाखाँची आगलागी घटनामा जलेर गम्भीर घाइते भएका चारै जनाको मृत्यु

स्वास्थ्य

गृहपृष्ठ
स्वास्थ्य
अर्घाखाँची आगलागी घटनामा जलेर गम्भीर घाइते भएका चारै जनाको मृत्यु

अर्घाखाँची आगलागी घटनामा जलेर गम्भीर घाइते भएका चारै जनाको मृत्यु

बुधबार, वैशाख २७, २०८० बागेश्वरी पोस्ट

नेपालगन्ज । अर्घाखाँचीमा आगो निभाउने क्रममा जलेर घाइते भएकाहरुको मृत्यु हुनेको संख्या ४ पुगेको छ ।

मंगलबार दिउँसो भुमिकास्थान २ तिरतिरेमा पदम बेल्बासेको घरमा लागेको आगो निभाउने क्रममा घाइते भएका ७२ वर्षीय पिताम्बर बेल्बासे, ५५ वर्षीय पदम बेल्बासे र ५२ वर्षीय घनश्याम बेल्बासे र ३६ वर्षीय माधव बेल्बासेको उपचारको क्रममा मृत्य भएको हो ।

सो आगलागीमा परी घाइते भएकालाई शुरुमा जिल्ला अस्पताल सन्धिखर्कमा उपचार गरिएको थियो । त्यहाँ उपचार सम्भव नभएपछि थप उपचारका लागि मिसन अस्पताल पाल्पाका लागि रेफर गरिएको थियो । पाल्पा मिशन अस्पतालमा पनि उपचार हुन नसकेपछि काठमाडौं रेफर गरिएकोमा उपचारका लागि काठमाडौं ल्याउँदै गर्दा तीनै जनाको बाटोमै मृत्यु भएको र माधवको काठमाडौंमा उपचारका क्रममा मृत्यु भएको जिल्ला प्रहरी कार्यालय अर्घाखाँचीले जनाएको छ ।

प्रकाशित मिति: बुधबार, वैशाख २७, २०८० ०९:४३

प्रतिक्रिया दिनुहोस्