योग समिति नेपालले मनायो पाँचौ स्थापना दिवस

स्वास्थ्य

गृहपृष्ठ
स्वास्थ्य
योग समिति नेपालले मनायो पाँचौ स्थापना दिवस

योग समिति नेपालले मनायो पाँचौ स्थापना दिवस

बुधबार, जेठ १०, २०८० बागेश्वरी पोस्ट

नेपालगञ्ज । योग समिति नेपालले आज आफ्नो पाँचौ स्थापना दिवस मनाएको छ । योग समिति नेपाल केन्द्रिय कार्यालय नेपालगञ्ज बाँकेले आज विहान नेपालगञ्ज उपमहानगरपालिका कार्यालय परिसरमा पाँचौ स्थापना दिवस मनाएको हो ।

कार्यक्रममा नेपालगञ्ज उपमहानगरपालिकाका नगर प्रमुख प्रशान्त विष्टले मानव जीवनलाई स्वस्थ, सन्तुलित, तन्दुरुस्त र सुन्दर बनाउन योग अपरिहार्य रहेको बताए । नियमित योगले मात्र मानव जीवन स्वस्थ रहन सक्ने भन्दै उनले आफ्नो दैनिक जीवनको केही समय योगका लागि छुट्ट्याएर स्वस्थ जीवनशैलीका लागि प्रतिबद्ध रहन आग्रह गरे ।

योग गुरु गिरिराज भट्टराईले नियमित योग विनाको जीवनशैली अब कल्पना पनि गर्न नसकिने बताए । भट्टराईले नेपालगञ्जका विभिन्न स्थानमा नियमित योग गराउँदै आएका छन् । योग समिति नेपालले नेपालगञ्जमा योग संस्कृतिको विकास गरेको छ । योग गर्ने मानिसहरुको संख्या दिनप्रतिदिन बढ्दै गएको छ ।

No description available.