अबदेखि हवाई यात्रामा कोभिड खोपको कार्ड नचाहिने

स्वास्थ्य

गृहपृष्ठ
स्वास्थ्य
अबदेखि हवाई यात्रामा कोभिड खोपको कार्ड नचाहिने

अबदेखि हवाई यात्रामा कोभिड खोपको कार्ड नचाहिने

मंगलबार, जेठ १६, २०८० बागेश्वरी पोस्ट

नेपालगन्ज । अबदेखि अन्तर्राष्ट्रिय हवाई यात्रु गर्दा कोभिड खोप लगाएको प्रमाणपत्र साथमा बोक्नु पर्ने प्रावधान हटेको छ ।

संस्कृति पर्यटन तथा नागरिक उड्डयन मन्त्रालयले नेपाल नागरिक उड्डयन प्राधिकरणलाई पत्र पठाउँदै पीसीआर नेगेटिभ रिपोर्ट अथवा कोभिड खोप लगाएको प्रमाणपत्र साथमा नचाहिने निर्देशन दिएको छ ।

मन्त्रालयका अनुसार ३१ वैशाखमा बसेको कोभिड–१९ संकट व्यवस्थापन समन्वय केन्द्रले हवाई यात्रुका लागि ७२ घण्टा भित्रको पीसीआर नेगेटिभ रिर्पोट वा खोप अनिवार्य गरिएको नियम हटाउने निर्णय लिएको हो ।

सोही अनुसार प्राधिकरणले पनि यो नियमन कार्यान्वयनमा ल्याइसकेको छ । यो नियम हटेसँगै अन्तराष्ट्रिय गन्तव्यबाट नेपाल आउने यात्रुले साथमा बोक्नु पर्ने खोपको क्यूआर कोड, पीसीआर नेगेटिभ रिर्पोट अनिवार्य बोक्नु पर्ने छैन ।

तर, नेपालबाट विदेश जाने यात्रुको हकमा भने सो गन्तव्य मुलुकले तोके अनुसारका कागजात बोक्नु पर्छ । विश्व स्वास्थ्य संकठनले ५ मे २०२३ मा एक सिफारिस जारी गरी कोभिड-१९ लाई विश्वव्यापी महामारीबाट हटाएको छ ।

विदेश यात्रा गर्दा गन्तव्य मुलुकले कागजात माग गर्न हुन सक्नेका कारण आबश्यक कागजात भने यात्रुले बोक्नु पर्नेछ ।

प्रकाशित मिति: मंगलबार, जेठ १६, २०८० १३:४५

प्रतिक्रिया दिनुहोस्