राप्तीसोनारीमा ‘गुनासो एप्लीकेशन’

स्थानीय

गृहपृष्ठ
स्थानीय
राप्तीसोनारीमा ‘गुनासो एप्लीकेशन’

राप्तीसोनारीमा ‘गुनासो एप्लीकेशन’

बिहीबार, जेठ २५, २०८० बागेश्वरी पोस्ट

नेपालगञ्ज । राप्तीसोनारी गाउँपालिकाले ‘गुनासो एप्लीकेशन’ सुरु गरेको छ । पालिकाले बुधबारदेखि परीक्षणका रुपमा हेलो अध्यक्ष शिर्षकमा ‘गुनासो एप्लीकेशन’ सुरु गरेको पालिकाका प्रमुख प्रशासकीय अधिकृत ओमप्रकाश देवकोटाले जनाकारी दिए ।

अध्यक्ष तप्त पौडेलले पालिकाको कामकारबाहीमा सबै जनताको पहुँच सकोस् भन्ने उद्देश्यले ‘गुनासो एप्लीकेशन’ सुरु गरेको बताए । ‘राप्तीसोनारीका जनताले पालिकाप्रति केही गुनासो भए जहाँबाट पनि गुनासो गर्न मिल्ने र उनीहरुले हामीसँग सिधै कुराकानी गर्न सकून् भन्ने उद्देश्य हाम्रो हो,’ पौडेलले भने ।

पालिकाले सुरुवात गरेको ‘गुनासो एप्लीकेशन’ मा जनताले गुनासो दर्ता गर्न मिल्ने, पालिकासँग कुराकानी गर्न मिल्ने, अनुदानका क्षेत्रहरु थाहा पाउन सक्ने प्रमुख प्रशासकीय अधिकृृत देवकोटाले जानकारी दिए ।

त्यस्तै ‘गुनासो एप्लीकेशन’मा नागरिक बडापत्र पनि राख्ने तयारी रहेको राप्तीसोनारीले जनाएको छ । जसमा नेपाली, थारु र अवधि गरी ३ भाषामा नागरिक बडापत्र उल्लेख गरिने बताइएको छ ।

प्रकाशित मिति: बिहीबार, जेठ २५, २०८० २१:३५

प्रतिक्रिया दिनुहोस्